Правядзенне ўстановай «Дзяржаўны архіў Гомельскай вобласці» кіналекторыя ў рамках праекту «Адкрыты кінаархіў. Гэты дзень мы набліжалі як маглі»
30 мая 2024 г. у рамках праекта «Адкрыты кінаархіў. Гэты дзень мы набліжалі як маглі», прысвечаны 80-й гадавіне вызвалення Беларусі ад нямецка-фашысцкіх захопнікаў, установа «Дзяржаўны архіў Гомельскай вобласці» (далей – ДАГв) арганізавала паказ дакументальнага фільма «Вызваленне» для работнікаў установы аховы здароўя «Гомельская універсітэцкая клініка шпіталь інвалідаў Вялікай Айчыннай вайны».
Перад праглядам фільма дырэктар ДАГв А.М.Сушчэвіч расказаў пацыентам і медыцынскім работнікам аб праекце, які падрыхтаваў Беларускі дзяржаўны архіў кінафотафонадакументаў, дзе ў храналагічным парадку ідзе апавяданне аб вызваленні гарадоў Беларусі. Пагаварылі аб неабходнасці захавання і фарміравання патрыятычных каштоўнасцей, аб павазе да герояў і ахвяр Вялікай Айчыннай вайны, аб прадухіленні паўтарэння страшных падзей мінулага і ўмацаванні нацыянальнага адзінства краіны.
«Памяць аб тых, хто аддаў свае жыцці, абараняючы Радзіму, жыве і заўсёды будзе жыць у нашых сэрцах», – адзначыў дырэктар архіва.
Пасля прагляду дакументальнага фільма ўдзельнікі мерапрыемства змаглі задаць А.М.Сушчэвічу хвалюючыя пытанні, прысвечаныя трагічным падзеям Вялікай Айчыннай вайны.
