Правядзенне ўрока для вучняў 9 класа ў рамках акцыі «Архівы −школе» ва ўстанове «Дзяржаўны архіў Гродзенскай вобласці»

12 красавіка 2024 года ў рамках акцыі «Архівы – школе» установай «Дзяржаўны архіў Гродзенскай вобласці» для навучэнцаў 9 класа ДУА «Сярэдняя школа №16 імя А.Сухамбаева г.Гродна» быў праведзены ўрок на тэму «Партызанская і падпольная барацьба на тэрыторыі Гродзеншчыны ў перыяд Вялікай Айчыннай вайны».

Школьнікам былі прадэманстраваны дакументальныя матэрыялы, якія адлюстроўваюць злачынную дзейнасць нямецка-фашысцкіх захопнікаў на тэрыторыі Гродзеншчыны ў перыяд Вялікай Айчыннай вайны. Супрацоўнікі архіва распавялі навучэнцам аб самаадданай і мужнай барацьбе партызан і падпольшчыкаў супраць акупацыйнай улады. Вялікую цікавасць у школьнікаў выклікалі ўспаміны ўдзельнікаў вайны, а таксама дакументы і матэрыялы аб дзейнасці антыфашысцкіх фарміраванняў на тэрыторыі Гродзенскай вобласці.

Таксама ўвазе школьнікаў былі прадстаўлены экспануемыя ў чытальнай зале архіва выставы дакументаў, прысвечаныя падзеям і ўдзельнікам Вялікай Айчыннай вайны.

Завяршыўся ўрок агляднай экскурсіяй па архівасховішчы, падчас якой навучэнцам распавялі пра ўмовы і асаблівасці захоўвання дакументаў.

1. Навучэнцы 9 класа ДУА «Сярэдняя школа №16 імя А.Сухамбаева г.Гродна»

2. Наведванне архівасховішча навучэнцамі