Святкаванне Дня абаронцаў Айчыны і Узброеных Сіл Рэспублікі Беларусь у Цэнтральнай лабараторыі

23 лютага ў дзяржаўнай установе «Цэнтральная лабараторыя забеспячэння захаванасці дакументаў Нацыянальнага архіўнага фонду Рэспублікі Беларусь» адбылося ўрачыстае мерапрыемства, прысвечанае да Дня абаронцаў Айчыны і Узброеных Сіл Рэспублікі Беларусь.

У гэты дзень у фае была аформлена экспазіцыя з фотаздымкамі мужчын-супрацоўнікаў лабараторыі ў ваеннай форме часоў іх вайсковай службы.

Супрацоўніцы лабараторыі павіншавалі са святам сваіх калег-мужчын, пажадаўшы ім моцнага здароўя, мірнага неба, святочнага настрою і паспяховай працы на карысць нашай Радзімы, а ад прафсаюзнай арганізацыі віноўнікам урачыстасці былі ўручаны падарункавыя сертыфікаты.

Мужчыны падзяліліся сваімі ўспамінамі пра службу, а галоўны інжынер лабараторыі, палкоўнік запасу Вітушка У.А., распавёў пра сваіх дзеда і бацьку – прадстаўнікоў сямейнай дынастыі кадравых вайскоўцаў, а таксама пра свой вайсковы шлях ад сувораўскага вучылішча да службы ў Міністэрстве абароны Рэспублікі Беларусь.

1. Супрацоўнікі лабараторыі ў вайсковай форме часоў іх вайсковай службы.

2. Галоўны інжынер лабараторыі, палкоўнік запасу Вітушка В.А. (у цэнтры) расказвае пра сваю вайсковую службу.

3. Загадчык аддзела Кулак В.А. успамінае сваю службу.

4. Жанчыны з цікавасцю разглядаюць узнагароды і знакі адрознення.

5. Агульнае фота ўдзельнікаў урачыстага мерапрыемства.