У рамках рэспубліканскай акцыі «Архівы – школе» 9 кастрычніка 2023 г. Дзяржаўны архіў Віцебскай вобласці наведалі студэнты 3-га курса факультэта сацыяльнай педагогікі і псіхалогіі Віцебскага дзяржаўнага ўніверсітэта імя П.М.Машэрава

Для маладых людзей былі арганізаваны аглядная экскурсія па архіве і навучальны семінар па арганізацыі даследчай працы ў архіве.

У ходзе правядзення семінара-практыкума студэнты дзяржуніверсітэта асвойвалі навыкі работы па выяўленні архіўных дакументаў на зададзеную тэму.

Падчас экскурсіі будучыя сацыяльныя педагогі азнаёміліся з умовамі захоўвання дакументаў, работай спецыялістаў, а таксама выставачнымі праектамі архіва, у тым ліку звязанымі з гісторыяй Вялікай Айчыннай вайны.

1. Наведванне архівасховішча падчас агляднай экскурсіі па архіве.

2. Падчас прагляду віртуальнай выставы «Лагер смерці».

3. Азнаямленне з архіўным вопісам падчас семінара-практыкума.