Удзел работнікаў установы «Беларускі дзяржаўны архіў кінафотафонадакументаў» у рабоце II Міжнароднай навуковай канферэнцыі «Сельская гаспадарка Беларусі скрозь прызму навуковых даследаванняў»

29 верасня 2023 г. работнікі Беларускага дзяржаўнага архіва кінафотафонадакументаў – вядучыя архівісты аддзела выкарыстання дакументаў і інфармацыі М.У.Гарэлік і А.І.Траццяк, а таксама загадчык аддзелам забеспячэння захаванасці дакументаў і фондаў К.А.Яфрэмава прынялі ўдзел у працы ІІ Міжнароднай навуковай канферэнцыі «Сельская гаспадарка Беларусі скрозь прызму навуковых даследаванняў», якая праходзіла ў дзяржаўнай установе «Беларуская сельскагаспадарчая бібліятэка ім. І.С.Лупіновіча Нацыянальнай акадэміі навук Беларусі» сумесна з Інстытутам гісторыі Нацыянальнай акадэміі навук Беларусі і Навуковай радай па кніжнай культуры, кнігавыданню і бібліятэкам Міжнароднай асацыяцыі акадэмічнай навукі.

У ходзе работы секцый вядучыя архівісты аддзела выкарыстання дакументаў і інфармацыі А.І.Траццяк і М.У.Гарэлік выступілі з дакладамі: «Забытые сельскохозяйственные культуры (кок-сагыз): каучуководства в БССР по материалам Белорусского государственного архива кинофотофонодокументов» і «Фондовые документы БГАКФФД об А.М.Богомолове: история в фотодокументах и кинохронике». Іх выступленні суправаджаліся прэзентацыямі і дэманстрацыяй фрагментаў кінадакументаў з фондаў архіва. Даклад вядучага архівіста А.І.Траццяк «Забытые сельскохозяйственные культуры (кок-сагыз): каучуководства в БССР по материалам Белорусского государственного архива кинофотофонодокументов» апублікаваны ў зборніку артыкулаў канферэнцыі.

У ходзе работы канферэнцыі была прадстаўлена выстаўка фотаальбомаў з фондаў Беларускага дзяржаўнага архіва кінафотафонадакументаў. К.А.Яфрэмава – загадчык аддзелам забеспячэння захаванасці дакументаў і фондаў азнаёміла наведвальнікаў выстаўкі са зместам арыгінальных альбомаў: «Фотоколлекция довоенного периода», «Минский тракторный завод» «II Гомельская областная сельскохозяйственная выставка 1951г.». Выстава фотаальбома выклікала непадробную цікавасць удзельнікаў канферэнцыі.

Вядучыя архівісты аддзела выкарыстання дакументаў і інфармацыі Я.І.Траццяк і М.У.Гарэлік перад пачаткам канферэнцыі

Загадчык аддзела забеспячэння захаванасці дакументаў і фондаў К.А.Яфрэмава перад пачаткам канферэнцыі

Загадчык аддзела забеспячэння захаванасці дакументаў і фондаў К.А.Яфрэмава дэманструе ўдзельнікам канферэнцыі фотаальбомы з фондаў Беларускага дзяржаўнага архіва кінафотафонадакументаў.

Вядучы архівіст аддзела выкарыстання дакументаў і інфармацыі Я.І. Траццяк падчас выступу на секцыі канферэнцыі

Вядучы архівіст аддзела выкарыстання дакументаў і інфармацыі М.В.Гарэлік падчас выступу на секцыі канферэнцыі