Ўдзел у XX архіўных чытаннях «Фонды асабістага паходжання – крыніца гістарычнай памяці народа»

6 кастрычніка 2022 г. загадчык аддзела інфармацыйна-пошукавых сістэм і аўтаматызаваных архіўных тэхналогій Алена Бондарава прыняла ўдзел у XX архіўных чытаннях «Фонды асабістага паходжання – крыніца гістарычнай памяці народа», якія праходзілі ў Беларускім дзяржаўным архіве-музеі літаратуры і мастацтва.

Было агучана паведамленне «Агляд дакументаў асабістага фонду паэта, празаіка, перакладчыка Давіда Рыгоравіча Сімановіча (1932-2014 гг.)». Адмысловая ўвага была нададзена перакладчыцкай дзейнасці паэта.

Давід Сімановіч пісаў па-руску. Перакладаў уласныя вершы на беларускую мову і ідыш.

З беларускай мовы на рускую пераклаў вершы Рыгора Барадуліна, Пятра Броўкі, Генадзя Бураўкіна, Еўдакіі Лось і некаторых іншых паэтаў. З ідыш на рускую мову пераклаў вершы Марка Шагала, Сямёна Ан-скага, Хаіма Мальцінскага, Гіршы Рэлеса і некаторых іншых.

Праграма архіўных чытанняў

Давід Сімановіч