Дзень адчыненых дзвярэй у Беларускім дзяржаўным архіве кінафотафонадакументаў

Апублікавана: 13 верасня 2022 г.

12 верасня 2022 г. у Беларускім дзяржаўным архіве кінафотафонадакументаў, а таксама ва ўсіх дзяржаўных архівах Рэспублікі Беларусь, прайшоў Адзіны дзень адчыненых дзвярэй, прымеркаваны да 100-годдзя архіўнай службы. Беларусі.

Пачатак працы архіўнай службы ў БССР быў пакладзены 12 верасня 1922 г. з прыняцця Прэзідыумам ЦВК БССР Палажэння аб Цэнтральным архіве Беларусі (Цэнтрархіў). Першым загадчыкам Цэнтрархіва быў вядомы пісьменнік, дзяржаўны і грамадскі дзеяч Дзмітрый Жылуновіч (Цішка Гартны).

Гасцямі архіва 12 верасня 2022 г. сталі асабовы склад ДУ “Група матэрыяльна-тэхнічнага забеспячэння органаў пагранічнай службы”, навучэнцы ДУА “Абласны аграрна-тэхнічны прафесійны ліцэй”, вучні ДУА “Гімназія №1 г. Дзяржынска”, а таксама прадстаўнікі Дзяржынскага раённага маладзёжнага. парламента і жыхары г. Дзяржынска.

Дзень адчыненых дзвярэй стаў унікальнай магчымасцю зірнуць на працу архіва знутры. Усе наведвальнікі архіва атрымалі магчымасць пазнаёміцца з асаблівасцямі працы па забеспячэнні захаванасці аўдыёвізуальнай спадчыны, якая адлюстроўвае гісторыю краіны з 1860-х гадоў па сённяшні дзень. На пытанні: «Колькі ў фондах дакументаў? Як яны захоўваюцца і як іх атрымаць? Як аблічбоўваюць дакументы і чым яны могуць “захварэць”? Як стаць працаўніком архіва?» – падрабязна адказвалі Чарненка Вольга Фёдараўна, вядучай архівіст аддзела дзяржаўнага ўліку і навукова-даведачнага апарата, і Раманава Марыя Дзмітрыеўна, архівіста 1 кваліфікацыйнай катэгорыі аддзела выкарыстання дакументаў і інфармацыі. Госці змаглі азнаёміцца з навукова-даведачным апаратам архіва і парадкам работы аддзелаў і лабараторый, а таксама атрымалі разгорнутыя кансультацыі па пошуку інфармацыі, выкарыстанні архіўных дакументаў, відах аказваемых архівам паслуг.

Падчас экскурсій былі прадэманстраваны фотаальбомы, якія змяшчалі здымкі, прысвечаныя гораду Дзяржынску, а таксама зборы дакументаў з адной з самых каштоўных калекцый архіва, перададзеных у дар Э.Тамашэўскай-Радзівіл. Фільмы, прадэманстраваныя ў кіназале: “Біяграфія маёй рэспублікі” і прызёр Усерасійскага конкурсу медыяработ “Бумеранг” “Слёзы Хатыні”, прысвечаныя гісторыі Беларусі і трагедыі беларускага народа ў гады Вялікай Айчыннай вайны, пакінулі яркае ўражанне ва ўдзельнікаў Дня адчыненых дзвярэй.

З кожным годам усё больш расце цікавасць да гісторыі роднай краіны. Дзень адчыненых дзвярэй – выдатны шанц больш даведацца аб рабоце Беларускага дзяржаўнага архіва кінафотафонадакументаў, удакладніць усе пытанні і стаць крыху бліжэй да гістарычнага мінулага.

Намеснік камандзіра часці па ідэалагічнай рабоце і кадравым забеспячэнні падпалкоўнік В.А.Данільчанка ДУ “Група матэрыяльна-тэхнічнага забеспячэння органаў пагранічнай службы” ўручае намесніку дырэктара Беларускага архіва кінафотафонадакументаў Я.М.Грыневіч памятны знак. 12 верасня 2022 г., Мінская вобл.

Намеснік дырэктара Беларускага дзяржаўнага архіва кінафотафонадакументаў Я.М.Грыневіч з памятным знакам. 12 верасня 2022 г., Мінская вобл.

Архівіст I кваліфікацыйнай катэгорыі аддзела выкарыстання дакументаў і інфармацыі М.Д.Раманава падчас правядзення экскурсіі для вайскоўцаў ДУ “Група матэрыяльна-тэхнічнага забеспячэння органаў пагранічнай службы” ў чытальнай зале архіва. 12 верасня 2022 г., Мінская вобл.

Архівіст II кваліфікацыйнай катэгорыі аддзела тэхнічнага кантролю Т.Д.Шышко дэманструе ваеннаслужачым ДУ “Група матэрыяльна-тэхнічнага забеспячэння органаў пагранічнай службы” кантроль тэхнічнага стану кінадакументаў у працэсе захоўвання. 12 верасня 2022 г., Мінская вобл.

Вядучы архівіст аддзела дзяржаўнага ўліку і навукова-даведачнага апарата А.Ф.Чарненка падчас правядзення экскурсіі для навучэнцаў ДУА “Абласны аграрна-тэхнічны прафесійны ліцэй”. 12 верасня 2022 г., Мінская вобл.

Вучні ДУА “Гімназія №1 г. Дзяржынска” падчас экскурсіі ў чытальнай зале архіва ў Дзень адчыненых дзвярэй. 12 верасня 2022 г., Мінская вобл.

Намеснік дырэктара Беларускага дзяржаўнага архіва А.М.Грыневіч, вядучы архівіст аддзела дзяржаўнага ўліку і навукова-даведачнага апарата А.Ф.Чарненка, архівіст I кваліфікацыйнай катэгорыі аддзела выкарыстання дакументаў і інфармацыі М.Д.Раманава і навучэнцы ДУА «Гімназія №1 г. Дзяржынска» на ганку архіва ў Дзень адчыненых дзвярэй. 12 верасня 2022 г., Мінская вобл.