Рубрыка:

Візіт дэлегацыі Узбекістана ў Нацыянальны архіў Рэспубліка Беларусь

Апублікавана: 8 верасня 2026 г.

8 верасня Нацыянальны архіў Рэспублікі Беларусь (НАРБ) наведала дэлегацыя прадстаўнікоў архіўнай галіны Рэспублікі Узбекістан у складзе: дырэктара Агенцтва «Узархіў» пры Міністэрстве юстыцыі Рэспублікі Узбекістан У.М. Юсупова, галоўнага спецыяліста па міжнародных сувязях агенцтва «Узархіў» Д.С. Дадаевай і начальніка тэрытарыяльнага ўпраўлення па архіўнай справе горада Ташкента І.Т.Тахтаевай. З беларускага боку ў сустрэчы прымалі ўдзел: дырэктар Дэпартамента па архівах і справаводстве Міністэрства юстыцыі Рэспублікі Беларусь А.Л.Воінаў, дырэктар НАРБ – А.А. Стуканава, намеснік дырэктара НАРБ – С.В.Кулінок. У сустрэчы таксама прынялі ўдзел кіраўнікі структурных падраздзяленняў архіва.

Для ўзбекскай дэлегацыі была прадстаўлена дакументальная выстава «Лідары. Працаўніца. Лёсы», прымеркаваная да Года беларускай жанчыны і якая расказвае пра вядомых беларусак, якія пакінулі знакавы след у гісторыі нашай дзяржавы.

Падчас афіцыйнай сустрэчы дырэктар НАРБ А.А. Стуканава распавяла пра гісторыю архіва і яго асноўныя кірункі працы. У ходзе дыскусіі паміж архівістамі Беларусі і Узбекістана былі абмеркаваны шэраг пытанняў, звязаных з выкарыстаннем дакументаў і працэсам цыфравізацыі.

Намеснік дырэктара НАРБ, к.г.н. С.В.Кулінок распавёў аб ходзе падрыхтоўкі сумеснага выдавецкага праекта «Беларусь і Узбекістан: агульныя старонкі найноўшай гісторыі». Былі абмеркаваны шэраг важных пытанняў, звязаных са структурай і фарматам будучай кнігі.

Таксама для гасцей НАРБ былі прадэманстраваны архіўныя матэрыялы па агульных сюжэтах найноўшай гісторыі Беларусі і Рэспублікі Узбекістана (эвакуацыя 1941 года, пераадоленне наступстваў землетрасення ў г.Ташкенце ў 1966 г. і інш.).

Затым адбыўся абмен выдавецкімі праектамі НАРБ і архівістаў Узбекістана.