Аб удзеле старшыні ПА ГА «БРСМ» установы «Дзяржаўны архіў Гомельскай вобласці» Анастасіі Арцем’евай у гістарычным квэсты «Квест памяці: Гомель»

25 лістапада 2025 года, напярэдадні Дня вызвалення горада Гомеля ад нямецка-фашысцкіх захопнікаў, прайшоў гістарычны квэст «Квест памяці: Гомель». Дадзены квэст – гэта сумесная ініцыятыва кафедры гісторыі Беларусі Гомельскага дзяржаўнага ўніверсітэта імя Францыска Скарыны і Гомельскага гарадскога камітэта ГА «БРСМ».

Мерапрыемства было арганізавана для працуючай моладзі горада і аб’яднала прадстаўнікоў працоўных калектываў з усіх раенаў Гомеля. Квэст арганізаваны для папулярызацыі тэмы вайны, каб кожны чалавек памятаў свае карані, сваю гісторыю, каб кожны гамяльчанін ведаў сваіх герояў.

Квэст пачаўся 25 лістапада а 10 гадзіне каля Помніка антыфашыстам-падпольшчыкам на брацкай магіле (вул. Песіна). Удзельнікі прайшлі па найважнейшых гістарычных мясцінах горада:

Мемарыяльны знак у гонар героя-падпольшчыка Рамана Іларыенавіча Цімафеенкі (вул. Песіна, 55);

Помнік героям-камсамольцам (скрыжаванне вуліц Карповіча і Жаркоўскага).

Ад Навабеліцкага раённага камітэта ГА «БРСМ» і ўстановы «Дзяржаўны архіў Гомельскай вобласці» ў гістарычным квэсты прыняла ўдзел архівіст аддзела справаводства і фарміравання Нацыянальнага архіўнага фонду і архіваў арганізацый, старшыня ПА ГА «БРСМ» установы «Дзяржаўны архіў Гомельскай вобласці» і выпускніца факультэта гісторыі і міжкультурных камунікацый Анастасія Арцем’ева.

Удзельнікі сустрэліся ў карціннай галерэі Г.Х.Вашчанкі для падвядзення вынікаў гістарычнага квэста. Усе ўдзельнікі атрымалі памятныя прызы і сертыфікаты.

У завяршэнні мерапрыемства для гасцей і каманд быў праведзены Урок мужнасці: супрацоўнікі галерэі прадставілі карціны беларускіх мастакоў, у якіх адлюстраваны падзеі вайны і подзвігі народа, што дапамагло яшчэ глыбей адчуць гістарычны кантэкст пройдзеных пунктаў маршруту, а таксама відэаматэрыялы на тэму вайны і гераізму нашага народа.

1. Удзельнікі і арганізатары гістарычнага квэста на адкрыцці мерапрыемства

2. Праходжанне гістарычнага квэста

3-4. Уручэнне сертыфіката ўдзельніка Анастасіі Арцем’евай

5-6. Удзельнікі квэста на Уроку мужнасці