Удзел Нацыянальнага гістарычнага архіва Беларусі ў расійска-беларускім Круглым стале па абмене вопытам работы па прыярытэтных пытаннях архіўнай дзейнасці

10 кастрычніка 2025 г. намеснік дырэктара Сяргей Рындзін прыняў удзел у рабоце расійска-беларускага Круглага стала па абмене вопытам работы па прыярытэтных пытаннях архіўнай дзейнасці (г.Выбарг, Расійская Федэрацыя), арганізатарамі якога выступілі Архіўнае ўпраўленне Ленінградскай вобласці і Дэпартамент па архівах і справаводству Міністэрства юстыцыі Рэспублікі Беларусь.

У мерапрыемстве ўдзельнічалі прадстаўнікі дзяржаўных архіўных устаноў Беларусі і Расіі. С. Рындзін выступіў з дакладам «Выставачная дзейнасць у Нацыянальным гістарычным архіве Беларусі ў 2021-2025 гг.», а таксама з’яўляўся вядучым тэматычнай пляцоўкі «Выкарыстанне архіўных дакументаў. Вопыт падрыхтоўкі зборнікаў архіўных дакументаў і рэалізацыя архівамі выставачных праектаў».

1. Намеснік дырэктара НГА Беларусі Сяргей Рындзін на расійска-беларускім Круглым стале па абмене вопытам работы па прыярытэтных пытаннях архіўнай дзейнасці

2. Выступленне Сяргея Рындзіна

3. Уручэнне беларускіх архіўных выданняў начальніку Архіўнага ўпраўлення Ленінградскай вобласці Андрэю Саўчанку

4. Дырэктар Ленінградскага абласнога архіва ў г.Выбарзе Юлія Крыпатава і намеснік дырэктара НГА Беларусі Сяргей Рындзін – вядучыя тэматычнай пляцоўкі «Выкарыстанне архіўных дакументаў. Вопыт падрыхтоўкі зборнікаў архіўных дакументаў і рэалізацыя архівамі выставачных праектаў»

5. Удзельнікі Круглага стала