«БЕЗ ТЭРМІНУ ДАЎНАСЦІ: НЕПАКОРНЫЯ». У МАЛАДЭЧНА ЗАВЯРШЫЎСЯ МІЖНАРОДНЫ МЕДЫЯМАРАФОН

Апублікавана: 31 сакавіка 2025 г.

Міжнародны медыямарафон «Без тэрміну даўнасці: непакораныя» ў Маладзечне завяршыўся праглядам навучальных фільмаў аб генацыдзе савецкага народа ў гады Вялікай Айчыннай вайны і сюжэтаў аб самім медыямарафоне. Праект рэалізуецца Дзіцячым медыйным аб’яднаннем «Бумеранг» з выкарыстаннем гранта Прэзідэнта Расійскай Федэрацыі на развіццё грамадзянскай супольнасці, прадастаўленага Фондам прэзідэнцкіх грантаў. Спікерамі і экспертамі выступілі: начальнік аддзела аналітычнага суправаджэння мерапрыемстваў і міжнароднага супрацоўніцтва Дзяржфільмафонду Расіі Ларыса Акульшына, сцэнарыст, рэжысёр, член Саюза кінематаграфістаў Расіі Таццяна Мірошнік, аператар, мантажор Святлана Бурдасава, дырэктар МГА «Дзіцячае медыйнае аб’яднанне Наталля Васільева, менеджэр праектаў МГА ДМА «Бумеранг» Вольга Южакова.

Усе ўдзельнікі дайшлі да фінішу, зняўшы 31 працу: школьнікі змаглі не толькі пазнаёміцца з хронікай падзей Вялікай Айчыннай вайны, але і актыўна пагрузіліся ў даследаванне памятных мясцін, звязаных з трагічнымі старонкамі гісторыі. Іх ролікі выяўлялі асабістае стаўленне да падзей мінулага і імкненне падкрэсліць важнасць захавання гістарычнай памяці. Дзякуючы ўзаемадзеянню з экспертамі і наведванню значных лакацый навучэнцы змаглі прыцягнуць увагу і мясцовай грамадскасці да тэмы генацыду савецкага народа.

Работы медыямарафонцаў дапамагалі ацэньваць дырэктар установы «Занальны дзяржархіў г.Маладзечна» Іна Пудакевіч, памочнік пракурора Маладзечанскага раёна Елізар Капуцкі, галоўны спецыяліст аддзела выхаваўчай і сацыяльнай работы ўпраўлення па адукацыі Маладзечанскага райвыканкама Святлана Грыб.

Пераможцамі ў катэгорыі «Лепшыя навучальныя фільмы» сталі: 1 месца. Каманда «Партызаны» (Сярэдняя школа №14) 1 месца. Каманда «Дубль першы» (Гімназія-каледж) 2 месца. Каманда «Жывыя сведкі» (Гімназія №10)

«Лепшыя сюжэты пра медыямарафон» у каманды «Голас памяці» (Сярэдняя школа №9, 1 месца), каманды «Спадчыннікі Перамогі» (Красненская сярэдняя школа, 2 месца) і каманды «Кінашнікі» (Маладзечанская сярэдняя школа №1 імя Я. Купалы, 3 месца). Лідэры конкурсаў узнагароджаны бесправаднымі петлічкамі для запісу гуку і накамерным святлом.

– У конкурсе няма прайграўшых, бо ўсе мы працавалі над адной агульнай задачай – захаваннем гістарычнай памяці. Створаныя маладым пакаленнем медыяработ аб трагедыі мірнага насельніцтва СССР, ахвярах ваенных злачынстваў нацыстаў і іх памагатых у перыяд Вялікай Айчыннай вайны дазволілі яшчэ глыбей асэнсаваць дакументальна пацверджаныя падзеі мінулага, – адзначыла ў заключным выступе дырэктар МГА ДМА «Бумеранг» Наталля Васільева. Таксама яна выказала падзяку Дэпартаменту па архівах і справаводству Міністэрства юстыцыі Рэспублікі Беларусь, Мінскаму аблвыканкаму і Маладзечанскаму райвыканкаму, БДАКФФД, Нацыянальнаму архіву Рэспублікі Беларусь, Занальнаму дзяржархіву ў г.Маладзечне, СШ 14 г.Маладзечна за дапамогу ў арганізацыі.

Фінальным кадрам форуму стаў запуск «бумеранга» наступнай групе ўдзельнікаў. Відэапрывітанне з Маладзечна адпраўлены ў міжнародны дзіцячы цэнтр «Артэк».