Наведванне супрацоўнікамі ўстановы «Дзяржаўны архіў Магілёўскай вобласці» канцэртнай праграмы фіналу рэаліці-шоу «Фабрыка блогераў»
18 студзеня 2025 года ў Магілёве прайшоў фінал першага ў Беларусі рэаліці-шоу «Фабрыка блогераў». Мерапрыемства, якое прайшло на плошчы Адзінства, сабрала больш за 40 тысяч жыхароў і гасцей горада, у тым ліку і супрацоўнікаў установы «Дзяржаўны архіў Магілёўскай вобласці». Кіраўніцтва вобласці, горада, прадстаўнікі дэпутацкага корпуса і грамадскасці таксама далучыліся да гледачоў.
Па словах старшыні Магілёўскага аблвыканкама Анатоля Ісачанкі: «Сёння інтэрнэт-прастора і інфармацыйнае поле маюць вялікі ўплыў на сэрцы нашых людзей. Таму разам з нашымі блогерамі мы пастараліся паказаць прыгажосць нашага краю, нашых людзей і нашых прадпрыемстваў. Атрымалася гэта ці не – напэўна, вам судзіць. Але, на мой погляд, у нас атрымалася!»
За галоўны прыз у 20 000 рублёў змагаліся 15 шчасліўчыкаў. Анатоль Ісачанка аб’явіў пераможцу праекта. Ім стала Ганна Клінцэвіч, тая самая баба Нюра з ЦікТока.
Мерапрыемства прайшло яскрава, насычана і запомнілася гледачам. У праграме былі выступленні папулярных блогераў, раздача каштоўных падарункаў ад блогераў, а таксама выступленні такіх артыстаў, як Аляксандр Саладуха, Дзмітрый Азаранка, спявачка PAVA, кавер-бэнд «Яноты», ансамбль «Вясялуха», і іншых.
Хэдлайнерам фіналу стаў папулярны расійскі гурт Dabro.
На фота: Супрацоўнікі ўстановы «Дзяржаўны архіў Магілёўскай вобласці» падчас канцэртнай праграмы.
