Аб правядзенні ўстановай «Дзяржаўны архіў Магілёўскай вобласці» інфармацыйнай гадзіны з кінапраглядам для слухачоў установы адукацыі «Магілёўскі дзяржаўны абласны інстытут развіцця адукацыі»

17 снежня 2024 года супрацоўнікі ўстановы «Дзяржаўны архіў Магілёўскай вобласці» правялі інфармацыйную гадзіну ва ўстанове адукацыі «Магілёўскі дзяржаўны абласны інстытут развіцця адукацыі» для супрацоўнікаў інстытута і педагогаў устаноў агульнай і сярэдняй адукацыі Магілёўскай вобласці – слухачоў курсаў павышэння кваліфікацыі.

Падчас мерапрыемства вядучы архівіст аддзела навуковага выкарыстання дакументаў і інфармацыі Аляксандр Петухоў пазнаёміў прысутных з банэрнай выставай архіўных дакументаў «Зноў да мінулага поглядам наблізімся».

Слухачам інстытута таксама быў прадэманстраваны дакументальны фільм «Вызваленне», падрыхтаваны ўстановай «Беларускі дзяржаўны архіў кінафотафонадакументаў» (г. Дзяржынск), прысвечаны 80-й гадавіне вызвалення Рэспублікі Беларусь ад нямецка-фашысцкіх захопнікаў, а таксама была праведзена гутарка на тэму «Вызваленне г. Магілёва ў 1944 годзе».

1. Слухачы курсаў павышэння кваліфікацыі ўстановы адукацыі «Магілёўскі дзяржаўны абласны інстытут развіцця адукацыі» знаёмяцца з банэрнай выставай архіўных дакументаў «Зноў да мінулага поглядам наблізімся»

2. Вядучы архівіст аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Аляксандр Петухоў падчас выступу перад слухачамі курсаў павышэння кваліфікацыі ўстановы адукацыі «Магілёўскі дзяржаўны абласны інстытут развіцця адукацыі».

3. Падчас прагляду дакументальнага фільма «Вызваленне» ва ўстанове адукацыі «Магілёўскі дзяржаўны абласны інстытут развіцця адукацыі».

4. Падчас прагляду дакументальнага фільма «Вызваленне» ва ўстанове адукацыі «Магілёўскі дзяржаўны абласны інстытут развіцця адукацыі».