У Цэнтральнай лабараторыі адбыўся ўрачысты сход у гонар Дня народнага адзінства

17 верасня 2024 года, у дзень 85-годдзя ўз’яднання Заходняй Беларусі з БССР, у дзяржаўнай установе «Цэнтральная лабараторыя забеспячэння захаванасці дакументаў Нацыянальнага архіўнага фонду Рэспублікі Беларусь» адбыўся ўрачысты сход калектыву ў гонар Дня народнага адзінства.

Дырэктар лабараторыі У.Л.Клюйко павіншаваў калектыў з адным з самых значных дзяржаўных святаў, пажадаўшы прысутным адзінства ў выбары курсу на развіццё моцнай, суверэннай і квітнеючай Беларусі і нагадаўшы пра асаблівую важнасць беражлівага захоўвання ў сэрцах любові і павагі да роднай зямлі.

Намеснік дырэктара лабараторыі С.І.Мязга, падчас прэзентацыі «Мы разам назаўжды: да 85-годдзя ўз’яднання Заходняй Беларусі і БССР», пазнаёміў прысутных з гістарычнымі падзеямі тых гадоў.

У завяршэнні, супрацоўнікам лабараторыі быў прадэманстраваны фільм «Уз’яднанне», падрыхтаваны да Дня народнага адзінства дзяржаўнай установай «Беларускі дзяржаўны архіў кінафотафонадакументаў».

1. Дырэктар лабараторыі У.Л.Клюйко (злева) і намеснік дырэктара С.І.Мязга (справа) выступаюць перад калектывам