Правядзенне адкрытага пасяджэння ЭМК з прадстаўнікамі арганізацый – крыніц камплектавання ва ўстанове «Дзяржаўны архіў Магілёўскай вобласці»
30 мая 2024 года ва ўстанове «Дзяржаўны архіў Магілёўскай вобласці» адбылося адкрытае пасяджэнне экспертна-метадычнай камісіі дзяржархіва з запрашэннем прадстаўнікоў арганізацый, якія з’яўляюцца крыніцамі камплектавання дзяржархіва.
На пасяджэнні прысутнічалі спецыялісты дакументацыйнага забеспячэння кіравання і асобы, адказныя за архіў, ААТ «Булачна-кандытарская кампанія «Дамачай», ААТ «Магілёўская фабрыка марожанага», установы аховы здароўя «Магілёўская абласная станцыя пералівання крыві».
На пасяджэнні абмяркоўваліся пытанні, якія датычацца работы экспертных камісій прысутных арганізацый, а таксама арганізацыі справаводства і работы архіва, у тым ліку электроннага дакументаабароту і ўкараненне АІС «Ведамасны архіў».
Па выніках правядзення пасяджэння прадстаўнікам арганізацый дадзены неабходныя рэкамендацыі, якія датычацца арганізацыйна-прававога забеспячэння дзейнасці архіваў арганізацый і экспертызы каштоўнасці дакументаў, наяўнасці ў арганізацыях лакальных прававых актаў, якія рэгламентуюць справаводства і работу архіва, прадугледжаных заканадаўствам Рэспублікі Беларусь, своечасовага правядзення навукова-тэхнічнай апрацоўкі дакументаў і забеспячэння іх захаванасці.
Увага ўдзельнікаў звернута на неабходнасць афармлення падпіскі на галіновы навукова-практычны часопіс «Архівы і справаводства».
Пасля пасяджэння для ўдзельнікаў арганізавана экскурсія па архівасховішчах, дзе яны азнаёміліся з умовамі забеспячэння захаванасці дакументаў.
Таксама прадстаўнікі арганізацый наведалі лабараторыю па аблічбоўцы дакументаў дзяржаўнага архіва.
 |
| Выступленне загадчыка аддзела камплектавання НАФ і справаводства Краўцовай Наталлі Мікалаеўны |
 |
| Выступленне загадчыка аддзела камплектавання НАФ і справаводства Краўцовай Наталлі Мікалаеўны |