Аб рэспубліканскім семінары «Аб асобных пытаннях удасканалення арганізацыі справаводства»

22 снежня 2023 года адбыўся рэспубліканскі семінар «Аб асобных пытаннях удасканалення арганізацыі справаводства», арганізаваны Дэпартаментам па архівах і справаводстве Міністэрства юстыцыі Рэспублікі Беларусь сумесна з Апаратам Савета Міністраў Рэспублікі Беларусь і Нацыянальным архівам Рэспублікі Беларусь.

Мерапрыемства прайшло для прадстаўнікоў рэспубліканскіх органаў дзяржаўнага кіравання, іншых дзяржаўных арганізацый, падпарадкаваных Ураду Рэспублікі Беларусь. У рэжыме відэаканферэнцыі да мерапрыемства далучыліся прадстаўнікі абласных выканаўчых камітэтаў, Мінскага гарадскога выканаўчага камітэта.

З уступным словам выступіла першы намеснік дырэктара Дэпартамента па архівах і справаводству А.А.Лядоўская, якая падкрэсліла, што ад правільнай арганізацыі работы з дакументамі залежыць эфектыўнасць работы арганізацыі.

Па пытаннях якасці падрыхтоўкі дакументаў, што накіроўваюцца на разгляд ва Урад Рэспублікі Беларусь: выкананню патрабаванняў да іх афармлення і структуры выступілі начальнік упраўлення справаводства і пратакольнай работы Апарата Савета Міністраў Рэспублікі Беларусь Н.В.Шасцілоўская і першы намеснік начальніка ўпраўлення справаводства і пратакольнай работы Апарата Савета Міністраў. Рэспублікі Беларусь С.В.Сабалеўскі.

У сваім выступленні дырэктар Беларускага навукова-даследчага інстытута дакументазнаўства і архіўнай справы А.Я.Рыбакоў спыніўся на навацыях у новай рэдакцыі Інструкцыі па справаводству ў дзяржаўных органах, іншых арганізацыях, зацверджанай пастановай Міністэрства юстыцыі Рэспублікі Беларусь ад 19 студзеня 2009 года №4.

У сваім выступленні загадчык аддзела справаводства і фарміравання НАФ Нацыянальнага архіў Рэспублікі Беларусь Т.А.Шаўчэнка праінфармавала аб падрыхтоўцы дзяржаўных органаў да арганізацыі архіўнага захоўвання электронных дакументаў.

Упершыню перад калегамі сваім вопытам аб арганізацыі работы з электроннымі дакументамі падзяліліся начальнік галоўнага ўпраўлення кантролю і справаводства Міністэрства эканомікі І.В.Латушкін і начальнік упраўлення кантролю і справаводства ДВА «Белэнерга» В.А.Панфіленка.

Па выніках семінара ўдзельнікі абмеркавалі праблемныя пытанні па заяўленай тэматыцы.

Пасля завяршэння мерапрыемства быў прадэманстраваны падрыхтаваны Беларускім дзяржаўным архівам кінафотафонадакументаў у рамках праекта «Адкрыты кінаархіў» дакументальны фільм, прысвечаны 80-годдзю вызвалення г.Гомеля ад нямецка-фашысцкіх захопнікаў, а таксама арганізавана экскурсія па Нацыянальным архіве Рэспублікі Беларусь.

1. Удзельнікі семінара

2. Удзельнікі семінара

3. Выступленне начальніка ўпраўлення справаводства і пратакольнай работы Апарата Савета Міністраў Рэспублікі Беларусь Н.В.Шасцілоўскай

4. Выступленне першага намесніка начальніка ўпраўлення справаводства і пратакольнай работы Апарата Савета Міністраў Рэспублікі Беларусь С.В.Сабалеўскага

5. Начальнік упраўлення справаводства і пратакольнай работы Апарата Савета Міністраў Рэспублікі Беларусь Н.В.Шасцілоўская і першы намеснік дырэктара Дэпартамента па архівах і справаводстве А.А.Лядоўская

6. Выступленне дырэктара Беларускага навукова-даследчага інстытута дакументазнаўства і архіўнай справы А.Я.Рыбакова

7. Выступленне загадчыка аддзела справаводства і фарміравання НАФ Нацыянальнага архіва Рэспублікі Беларусь Т.А.Шаўчэнкі

8. Выступленне начальніка галоўнага ўпраўлення кантролю і справаводства Міністэрства эканомікі І.В.Латушкіна

9. Выступленне начальніка ўпраўлення кантролю і справаводства ДВА «Белэнерга» В.А.Панфіленка

10. Абмеркаванне пытанняў удзельнікамі семінара

11. Экскурсія для ўдзельнікаў семінара ў Нацыянальным архіве Рэспублікі Беларусь