Аб правядзенні абмеркавання законапраекта аб Усебеларускім народным сходзе на базе ўстановы «Дзяржаўны архіў грамадскіх аб’яднанняў Гомельскай вобласці»

Апублікавана: 3 лістапада 2022 г.

Да абмеркавання законапраекта аб Усебеларускім народным сходзе актыўна падключыўся дзяржаўны архіў грамадскіх аб’яднанняў Гомельскай вобласці.

Так, 2 лістапада 2022 года ў чытальнай зале архіва прайшла сустрэча працоўнага калектыву ўстановы з галоўным прававым інспектарам працы Гомельскай абласной арганізацыі Беларускага прафесійнага саюза работнікаў дзяржаўных і іншых устаноў Багдановіч Вольгай Аляксандраўнай.

У ходзе гутаркі Вольга Аляксандраўна закранула пытанні: працэсу фарміравання Усебеларускага народнага сходу, яго кампетэнцый, складу, паўнамоцтваў і прававога статусу, парадку вылучэння дэлегатаў, іх правоў і абавязкаў.

Выступленне суправаджалася мультымедыйнай прэзентацыяй. Пасля свайго выступу Вольга Аляксандраўна адказала на пытанні работнікаў установы.