Прадстаўнікі Нацыянальнага архіва Рэспублікі Беларусь прынялі ўдзел у онлайн-канферэнцыі на тэму: “Памяць пра нацысцкі генацыд. Расійска-беларускі праект “Без тэрміну даўніны. Беларусь”
29 ліпеня 2021 года ў Міжнародным мультымедыйным прэс-цэнтры МІА “Расія сёння” адбылася онлайн-канферэнцыя на тэму: “Памяць пра нацысцкі генацыд. Расійска-беларускі праект “Без тэрміну даўніны. Беларусь”.
Праект у цяперашні час рэалізуецца Нацыянальным архівам Рэспублікі Беларусь і фондам “Гістарычная памяць” (Расія) пры падтрымцы Дэпартамента па архівах і справаводству Міністэрства юстыцыі Рэспублікі Беларусь, Асацыяцыі гісторыкаў саюзнай дзяржавы “Саюзная ініцыятыва памяці і згоды” і КАД “Пошукавы рух Расіі”.
Задачай гэтага унікальнага выдавецкага праекта з’яўляецца захаванне памяці аб нацысцкіх злачынствах. У рамках праекта плануецца выпуск шасцітомнага абагульняючага дакументальнага выдання пра нацысцкі генацыд на тэрыторыі рэспублікі. На сённяшні дзень выйшлі ў свет зборнікі дакументаў па Гомельскай і Віцебскай абласцях. У бліжэйшы час запланаваны выхад зборніка дакументаў па Магілёўскай вобласці.
У канферэнцыі прынялі ўдзел: член Грамадскай палаты РФ, адказны сакратар КАД “Пошукавы рух Расіі” Алена Цунаева; дырэктар фонду “Гістарычная памяць”, член назіральнага савета Асацыяцыі гісторыкаў Саюзнай дзяржавы Аляксандр Дзюкаў; дырэктар Нацыянальнага архіва Рэспублікі Беларусь Андрэй Дземянюк; дырэктар Дзяржаўнага архіва Пскоўскай вобласці Валерый Кузьмін; загадчык аддзела публікацый Нацыянальнага архіва Рэспублікі Беларусь Святаслаў Кулінок.
У сваім выступе дырэктар Нацыянальнага архіва Рэспублікі Беларусь А.К. Дземянюк акцэнтаваў увагу на навукова-практычным значэнні зборнікаў серыі «Без тэрміну даўніны», а таксама адзначыў, што дадзены праект лічыцца адным з самых маштабных публікацыйных праектаў у Беларусі ў цяперашні час.
Загадчык аддзелу публікацый Нацыянальнага архіва Рэспублікі Беларусь Святаслаў Кулінок у сваім выступе падрабязна распавёў пра структуру зборнікаў, відавы склад дакументаў і перспектывы далейшай працы па расследаванні злачынстваў нацыстаў на тэрыторыі Беларусі ў гады Вялікай Айчыннай вайны.
Відэа канферэнцыі па спасылцы.