Урачысты сход калектыву Нацыянальнага архіва Рэспублікі Беларусь, прымеркаваны да Дня Перамогі і да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь

8 мая 2026 года адбыўся ўрачысты сход калектыву Нацыянальнага архіва Рэспублікі Беларусь (далей – НАРБ), прымеркаваны да Дня Перамогі і да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

З прывітальным словам да калектыву звярнуўся дырэктар НАРБ А.К.Дземянюк. Ён распавёў пра важнасць захавання гістарычнай праўды пра падзеі Вялікай Айчыннай вайны, а таксама распавёў аб мерапрыемствах НАРБ, якія праводзяцца ў рамках святкавання названых дзяржаўных святаў.

Намеснік дырэктара НАРБ, к.г.н. С.В.Кулінок выступіў з дакладам аб укладзе Рэспублікі Беларусь і яе ўраджэнцаў у справу Вялікай Перамогі, а таксама расказаў аб асноўных этапах фарміравання галоўных дзяржаўных сімвалаў Рэспублікі Беларусь.

Калектыву НАРБ быў прадстаўлены відэаролік «AI-History: Жанчынам Вялікай Перамогі прысвячаецца», падрыхтаваны работнікам НАРБ П.А.Голубевай пад кіраўніцтвам намесніка дырэктара Дэпартамента па архівах і справаводстве Міністэрства юстыцыі Рэспублікі Беларусь А.Я.Цвяткова.

У заключэнне сходу для калектыву НАРБ супрацоўнікам архіва Р.А.Хрыпавым пад акампанемент гітары было выканана папуры з песень ваенных гадоў.

1. Прывітальнае слова дырэктара НАРБ А.К.Дземянюка

2. Калектыў НАРБ падчас урачыстага сходу

3. Выступленне С.В.Кулінка

4. Прагляд відэароліка калектывам НАРБ

5. Выступленне Р.А.Хрыпава