Прадстаўнікі Занальнага дзяржаўнага архіва ў г.Полацку наведалі IV Міжнародны круглы стол «Забыццю не падлягае», прымеркаваны да 85-годдзя пачатку Вялікай Айчыннай вайны

У Полацкім дзяржаўным універсітэце імя Еўфрасінні Полацкай адбыўся IV Міжнародны круглы стол «Забыццю не падлягае», прымеркаваны да 85-годдзя пачатку Вялікай Айчыннай вайны.

Арганізатарамі падзеі выступілі Полацкі дзяржаўны ўніверсітэт імя Еўфрасінні Полацкай і Цэнтр рускай мовы, гісторыі і культуры Полацкага ўніверсітэта пры падтрымцы Прадстаўніцтва Россупрацоўніцтва ў Рэспубліцы Беларусь.

Мадэратар канферэнцыі – прарэктар па ідэалагічнай і выхаваўчай рабоце Полацкага дзяржаўнага ўніверсітэта імя Ефрасінні Полацкай, кандыдат гістарычных навук, дацэнт Алеся Іосіфаўна Корсак.

Удзельнікі канферэнцыі прадставілі даследаванні, заснаваныя на архіўных матэрыялах і справаздачах, якія адлюстроўваюць злачынствы, учыненыя акупацыйнымі сіламі. У цэнтры ўвагі дакладаў – факты гвалту, дзеянні нацыяналістычных груповак, а таксама праца партызанскіх арганізацый па дакументаванні гэтых злачынстваў. Адмысловая ўвага нададзена комплексным навуковым даследаванням, накіраваным на аднаўленне гістарычнай справядлівасці і ўсведамленне маштабаў страт, панесеных беларускім народам.

Эксперты абмеркавалі палявыя пошукавыя работы, якія праводзяцца на месцах масавых пахаванняў, і іх значэнне для вывучэння наступстваў генацыду. Кожнае выступленне накіравана на паглыбленне ведаў аб трагічных падзеях ваеннага часу і неабходнасць іх належнага асэнсавання ў сучасным кантэксце.

Вывучэнне архіўных дакументаў і сведчанняў – гэта сапраўды падмурак для разумення гісторыі. Толькі абапіраючыся на факты, мы можам супрацьстаяць спробам перапісаць мінулае і абясцэніць подзвіг пакалення пераможцаў.

На фота: Супрацоўнікі Дзяржархіва ў г.Полацку на IV Міжнародным круглым стале «Забыццю не падлягае», прымеркаваным да 85-годдзя пачатку Вялікай Айчыннай вайны