Аб правядзенні экскурсіі ў рамках акцыі «Архівы-школе» ва ўстанове «Дзяржаўны архіў грамадскіх аб’яднанняў Магілёўскай вобласці»

У рамках святкавання 80-годдзя Вялікай Перамогі, акцыі «Архівы-школе» 20 кастрычніка 2025 г.установу «Дзяржаўны архіў грамадскіх аб’яднанняў Магілёўскай вобласці» наведалі студэнты 2 курса гісторыка-філалагічнага факультэта Магілёўскага дзяржаўнага ўніверсітэта ім. А.А.Куляшова.

У ходзе экскурсіі, студэнты даведаліся аб гісторыі стварэння архіва, асноўных напрамках яго дзейнасці. Азнаёміліся з прадстаўленымі выставамі: «Абарона горада Магілёва», «Партызанскі рух», «80-годдзе Перамогі», «Генацыд беларускага народа ў гады Вялікай Айчыннай вайны». Прагледзелі дакументальны фільм: «Гісторыя Вялікай Перамогі», падрыхтаваны «Беларускім дзяржаўным архівам кінафотафонадакументаў».

Студэнты пазнаёміліся з працэсам аблічбоўкі дакументаў і змаглі ўбачыць усе этапы ад падрыхтоўкі справы да аблічбоўкі да апрацоўкі выявы.

У рамках мерапрыемства студэнты наведалі музейны пакой, у якім сабраны экспанаты партыйных і камсамольскіх часоў, якія дазваляюць азнаёміцца з гісторыяй партархіва і акунуцца ў атмасферу таго часу. Праведзена аглядная экскурсія ў сховішча архіва, падчас якой навучэнцы азнаёміліся са складам і рэжымам захоўвання архіўных дакументаў.

1. Студэнты знаёмяцца з дакументальнымі выставамі

2. Студэнты знаёмяцца з аблічбоўкай дакументаў

3. Студэнты ў архівасховішчы знаёмяцца з дакументальнымі выставамі

4. Студэнты ў музейным пакоі

5. Агульнае памятнае фота