Удалы «Старт»: медыяпраект «Архіўны веснік» ЗГА ў г.Маладзечна – у ліку прызёраў рэспубліканскага конкурсу

29 сакавіка 2025 года на факультэце журналістыкі Беларускага дзяржаўнага ўніверсітэта ўшаноўвалі пераможцаў рэспубліканскага конкурсу юных журналістаў «Старт», прымеркаванага да 80-годдзя Перамогі ў Вялікай Айчыннай вайне.

Творчае спаборніцтва праводзіцца з 2023 года, на гэты раз – па трох намінацыях: «Публікацыя», «Відэа», «Фатаграфія». Яго арганізатарам выступаюць – факультэт журналістыкі Беларускага дзяржаўнага ўніверсітэта пры ўдзеле Міністэрства інфармацыі і Міністэрства адукацыі Рэспублікі Беларусь, грамадскага аб’яднання «Беларускі саюз журналістаў» і ва ўзаемадзеянні з рэспубліканскімі і рэгіянальнымі СМІ.

Праверыць свае сілы ў конкурсе маглі навучэнцы школ, ліцэяў, гімназій і каледжаў, а таксама члены аб’яднанняў юных журналістаў ва ўзросце да 18 гадоў. Усяго пададзена больш за 300 заявак.

– Больш за ўсё на конкурс было даслана гісторый аб сваяках – удзельніках ваенных дзеянняў, чые лёсы адноўлены па архіўных дадзеных і ўспамінах. Былі гісторыі і пра тых герояў, чые імёны доўгі час заставаліся невядомымі, але дзякуючы пошукавым атрадам і даследчыкам яны зноў гучаць, – адзначыла член журы конкурсу, выкладчык кафедры літаратурна-мастацкай крытыкі Дзіяна Малчанава.

Сярод прызёраў і пераможцаў – юныя ўдзельнікі медыяпраекта «Архіўны веснік» Занальнага дзяржархіва ў г.Маладзечне Герман Ражок і Паліна Прастакова. У сваёй працы яны правялі відэадаследаванне сапраўдных франтавых лістоў, «ажывілі» гісторыю з дапамогай нейросетей.

Сімвалічным стала тое, што пераможныя працы ў намінацыі «Фота» адкрылі фотавыставу «Лесвіца», прэзентацыя якой прайшла ў гэты дзень і адлюстравала гераізм савецкіх салдат у гады ВАВ. Арганізатары адказалі на хвалюючыя пытанні навучэнцаў і іх бацькоў, прадэманстравалі архіўную хроніку пра гісторыю факультэта.

1. Герман Ражок і Паліна Прастакова.

2. Цырымонія ўзнагароджання ўдзельнікаў конкурсу.