«Маладзечна сустракае гасцей: спікеры медыямарафону «Без тэрміну даўнасці: непакораныя» з Расіі вывучылі вопыт ваенна-патрыятычнага выхавання беларускай моладзі»

У Маладзечне ў рамках міжнароднага медыяфоруму «Без тэрміну даўнасці: непакораныя» праходзіць шэраг мерапрыемстваў, накіраваных на ўвекавечанне гістарычнай памяці аб гераізме і стойкасці людзей, якія сутыкнуліся з трагічнымі выпрабаваннямі мінулага. Мэта форуму – садзейнічанне захаванню культурнай спадчыны, умацаванне міждзяржаўнага супрацоўніцтва ў сферы гісторыка-асветніцкай дзейнасці і выхавання падрастаючага пакалення ў духу павагі да гістарычных падзей.

Партнёры праекта – Міністэрства юстыцыі Рэспублікі Беларусь, Мінскі абласны выканаўчы камітэт, Маладзечанскі раённы выканаўчы камітэт, Беларускі дзяржаўны архіў кінафотафонадакументаў, Нацыянальны архіў Рэспублікі Беларусь, Занальны дзяржаўны архіў у г.Маладзечна, Нацыянальны цэнтр гістарычнай памяці пры Прэзідэнце Расійскай Федэрацыі, Расійскае таварыства гісторыкаў-архівістаў, Расійскі дзяржаўны архіў кінафотадакументаў, Дзяржаўны фонд кінафільмаў Расійскай Федэрацыі, ФГУК Музей Перамогі, Агульнарасійскі грамадскі рух па ўвекавечанні памяці загінуўшых пры абароне Айчыны «Пошукавы рух Расіі», Саюз кінематаграфістаў Расійскай Федэрацыі.

25 сакавіка 2025 года дэлегацыя з Расійскай Федэрацыі мела магчымасць пазнаёміцца з ваенна-патрыятычным выхаваннем моладзі Маладзечанскага раёна. Госці наведалі мемарыяльны комплекс «Шталаг-342», дзе ўшанавалі памяць ахвяр, усклаўшы кветкі. Гэты крок падкрэсліў важнасць захавання гістарычнай праўды. Дэлегацыя таксама наведала гімназію №6 імя С.Ц. Дзямешка, дзе ў музейным пакоі прадстаўлена экспазіцыя, прысвечаная гісторыі школы і яе сувязі з гераічнымі старонкамі мінулых гадоў.

Сярод іншых ключавых падзей – знаёмства з культурнай спадчынай рэгіёну ў цэнтральнай раённай бібліятэцы імя Максіма Багдановіча і раённым цэнтры рамёстваў, наведванне музея музычнага каледжа імя М.К. Агінскага, а таксама экскурсія ў Мінскім абласным краязнаўчым музеі.

Гэты форум – не толькі пляцоўка для вывучэння гістарычных фактаў і абмену думкамі, але і сімвал адзінства народаў у справе захавання памяці, супрацьстаяння скажэнню гістарычных падзей і выхавання павагі да стойкасці продкаў.

1-4. Госці падчас наведвання мемарыяльнага комплексу «Шталаг-342».

5-8. Наведванне музейнага пакоя гімназіі №6 імя С.Ц. Дзямешка.

9. Знаёмства з раённым цэнтрам рамёстваў.

10-11. Экскурсія ў Мінскім абласным краязнаўчым музеі.