Семінар-практыкум па архіўнай справе ў Вялікім тэатры Беларусі

19 сакавіка 2025 года дырэктар Беларускага дзяржаўнага архіва-музея літаратуры і мастацтва А.А.Макаранка, вядучыя архівісты аддзела архіваў арганізацый і фарміравання НАФ Н.П.Прынько і В.І.Мазалеўская правялі семінар-практыкум з архіўнымі работнікамі Дзяржаўнай тэатральна-відовішчнай установы «Нацыянальны акадэмічны Вялікі тэатр оперы і балета Рэспублікі Беларусь».

Асаблівая ўвага была звернута на выкананне патрабаванняў нарматыўных прававых актаў у сферы архіўнай справы, фарміраванне вопісаў спраў пастаяннага захоўвання і па асабовым складзе, захаванне тэрмінаў правядзення навукова-тэхнічнай апрацоўкі дакументаў, а таксама ўмоў выдзялення да знішчэння дакументаў, якія не падлягаюць захоўванню.

На фота: А.А.Макаранка з работнікамі БДАМЛМ і архівістамі Вялікага тэатра.