Аб правядзенні майстар-класа па рабоце з архіўнымі дакументамі ў Дзяржаўным архіве Брэсцкай вобласці

У рамках акцыі «Архівы – школе» 3 сакавіка 2025 года чытальную залу архіва па вул.В.Харужай,15 наведалі вучаніца 10-га класа ДУА «Гімназія №6 г.Брэста імя Маршала Савецкага Саюза Г.К.Жукава» Валерыя Антонава і настаўнік гісторыі Валянціна Зайцава.

Школьніца пад кіраўніцтвам настаўніка праводзіць даследчую працу па вывучэнні трагедыі Брэсцкага гета.

Супрацоўнік чытальнай залы Вольга Сухарэвіч правяла для даследчыкаў майстар-клас па рабоце з архіўнымі дакументамі, падчас якога былі выяўлены матэрыялы па дадзенай тэматыцы за 1941-1942 гг., а таксама прапанаваны для азнаямлення акты Брэсцкай абласной камісіі садзейнічання ў рабоце надзвычайнай Дзяржаўнай камісіі па ўстанаўленні і расследаванні злачынстваў нямецка-фашысцкіх захопнікаў і іх саўдзельнікаў (ЧГК) па Брэсцкай вобласці, якія сведчаць аб масавым знішчэнні яўрэяў на станцыі Бронная Гара Бярозаўскага раёна ў 1942 годзе.

1. Архівіст ΙΙ кваліфікацыйнай катэгорыі Вольга Сухарэвіч праводзіць майстар-класс па рабоце з архіўнымі дакументамі

2. Падчас работы з архіўнымі дакументамі