Акцыя «Архівы – школе» для студэнтаў установы адукацыі «Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія»

4 сакавіка 2025 года ў рамках акцыі «Архівы – школе» і маючага адбыцца 80-годдзя Вялікай Перамогі ўстанова «Дзяржаўны архіў Магілеўскай вобласці» приняла удзел у куратарскай гадзіне студентаў 1-га курса факультэта бухгалтарскага ўліку і 2-га курса эканамічнага факультэта ўстановы адукацыі «Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія» горад Горкі.

Вядучы архівіст аддзела навуковага выкарыстання дакументаў і інфармацыі Аляксей Швыроў азнаёміў студэнтаў з гісторыяй архіўнай справы на Магілёўшчыне, спецыфікай працы архівістаў, архіўнымі фондамі ўстановы.

Затым прысутным была прадстаўлена прэзентацыя «Гісторыя партызанскага руху ў дакументах фондаў асабістага паходжання». Студэнты даведаліся пра фондаўтваральнікаў-удзельнікаў партызанскага руху і найбольш цікавыя дакументы з іх асабістых фондаў.

У завяршэнне мерапрыемства быў прадэманстраваны дакументальны фільм «Партызанская рэспубліка», падрыхтаваны ўстановай «Беларускі дзяржаўны архіў кінафотафонадакументаў» (г. Дзяржынск). Фільм змяшчае ўнікальныя кадры побыту партызанскіх атрадаў і злучэнняў, якія доўгі час заставаліся за кадрам.

Падчас куратарскай гадзіны студэнты змаглі задаць усе пытанні, якія іх цікавяць.

1. Дэманстрацыя прэзентацыі «Гісторыя партызанскага руху ў дакументах фондаў асабістага паходжання»

2. У час размовы са студэнтамі.