27 студзеня 2025 года адбыўся круглы стол «Віцебск – Масква – Калінінград – Рэспубліка Алтай. Мацней смерці і страху смерці…», прысвечаны памяці ахвяр генацыду савецкага народа ў гады Вялікай Айчыннай вайны

Арганізатарам круглага стала выступіў Народны музей Баявой Славы 39-й арміі (ДУА «Гімназія №5 г.Віцебска імя І.І.Люднікава»). У рамках акцыі «Архівы – Школе» вядучы архівіст Дзяржаўнага архіва Віцебскай вобласці Святлана Мясаедава прыняла ўдзел у рабоце круглага стала, расказала пра дакументы па гісторыі канцлагера каля вёскі Мар’янава Лёзненскага раёна Віцебскай вобласці, створанага фашыстамі ў 1944 годзе.

Уваге ўдзельнікаў круглага стала была прадстаўлена выстава дакументаў «Вызваленне: нас вырвалі з лагера смерці», падрыхтаваная віцебскімі архівістамі да 80-годдзя вызвалення Віцебскай вобласці ў 2024 годзе.

Круглы стол адбыўся ў фармаце відэаканферэнцсувязі.