Аб правядзенні ў Нацыянальным гістарычным архіве Беларусі ў г.Гродна сходу працоўнага калектыву, прысвечанага падвядзенню вынікаў работы ўстановы за 2024 год

21 студзеня 2025 года ў Нацыянальным гістарычным архіве Беларусі ў г.Гродна прайшоў сход працоўнага калектыву, прысвечаны падвядзенню вынікаў работы ўстановы за 2024 год. У мерапрыемстве прыняў удзел намеснік дырэктара Дэпартамента па архівах і справаводстве Міністэрства юстыцыі Рэспублікі Беларусь А.Я.Цвяткоў.

З дакладам выступіў дырэктар архіва А.Б.Вянсковіч. Ён падвёў вынікі выканання мэтавых і планавых паказчыкаў па ўсіх відах дзейнасці НГАБ у г.Гродна: забеспячэнне захаванасці, улік, стварэнне і развіццё навукова-даведачнага апарата і выкарыстанне дакументаў. Дырэктар адзначыў дасягненні калектыву ў рэалізацыі планавых паказчыкаў і вызначыў задачы на наступны год.

Намеснік дырэктара Дэпартамента А.Я.Цвяткоў станоўча ацаніў дзейнасць НГАБ у г.Гродна, падкрэсліў важнасць работы калектыву ў захаванні і папулярызацыі гістарычнай і культурнай спадчыны краіны, пажадаў прадаўжэння паспяховай работы ў будучым.

1. Пад час сходу працоўнага калектыву НГАБ у г.Гродна.

2. Узнагароджанне Залатаровай Н.М., супрацоўніка лабараторыі спецыяльнай апрацоўкі дакументаў.