Урачысты сход у Цэнтральнай лабараторыі, прысвечаны святкаванню Дня маці

Дзень маці з’яўляецца асаблівым святам, і ў Цэнтральнай лабараторыі забеспячэння захаванасці дакументаў Нацыянальнага архіўнага фонду Рэспублікі Беларусь штогод яго адзначаюць з асаблівай цеплынёй і павагай да матчынай ролі ў грамадстве і жанчыны на працоўным месцы.

Урачыстую частку пачаў з прывітальнага слова дырэктар лабараторыі У.Л.Клюйко, які падзякаваў супрацоўніцам за іх працавітасць і ўклад не толькі ў справе захавання культурнай і гістарычнай спадчыны, але і ў выхаванні будучых пакаленняў у рамках традыцыйных сямейных каштоўнасцяў.

Намеснік дырэктара С.І.Мязга, у сваім віншаванні, адзначыў, як важна берагчы гістарычную памяць не толькі праз дакументальныя крыніцы, але і праз асабістыя ўспаміны і сямейныя хронікі кожнага работніка, якія, будучы маці, нястомна берагуць традыцыі і культурныя каштоўнасці. З цёплымі словамі ў адрас прысутных жанчын таксама звярнуліся галоўны інжынер У.А.Вітушка і загадчык аддзела аблічбоўвання і мікрафільмавання дакументаў В.І.Кулак.

1. супрацоўнікі Цэнтральнай лабараторыі падчас урачыстага сходу

2. (злева-направа) дырэктар лабараторыі У.Л.Клюйко, намеснік дырэктара С.І.Мязга, галоўны інжынер У.А.Вітушка і загадчык аддзела аблічбоўвання і мікрафільмавання дакументаў В.І.Кулак выступаюць з віншавальнымі словамі ў адрас прысутных жанчын