1 кастрычніка 2024 г.работнікі БелНДІДАС правялі сустрэчу са студэнтамі старэйшых курсаў гістарычнага факультэта БДУ

Сустрэча са студэнтамі 3 і 4 курсаў гістарычнага факультэта БДУ, якія навучаюцца па спецыяльнасцях «Гісторыка-архівазнаўства» і «Дакументазнаўства», адбылася па ініцыятыве Беларускага навукова-даследчага інстытута дакументазнаўства і архіўнай справы. Арганізацыйную і тэхнічную падтрымку забяспечыла кіраўніцтва факультэта і кафедры крыніцазнаўства.

Сустрэча адбылася ў рамках прафарыентацыйнай работы, якая праводзіцца інстытутам, і была накіравана на азнаямленне студэнтаў са спецыфікай навуковай працы ў БелНДІДАС, іншых дзяржаўных архіўных установах, арыентацыю іх на занятак навуковай дзейнасцю, прадаўжэнне навучання ў магістратуры і аспірантуры.

Адкрыла сустрэчу намеснік дэкана факультэта І.В.Лебедзева, якая прадставіла ўдзельнікаў мерапрыемства і падкрэсліла яго важнасць.

Дырэктар інстытута А.Я.Рыбакоў выступіў з прэзентацыяй, у якой коратка распавёў пра гісторыю інстытута і асноўных напрамках яго дзейнасці.

Загадчык аддзела архівазнаўства С.Я.Купрыянаў і загадчык аддзела дакументазнаўства А.В.Шумская праінфармавалі студэнтаў аб тэматыцы навуковых даследаванняў, што выконваюцца ў узначальваемых імі падраздзяленнях, акцэнтавалі ўвагу на найбольш значных распрацоўках інстытута ў маштабах архіўнай галіны і ўсёй краіны.

Малодшы навуковы супрацоўнік аддзела архівазнаўства І.У.Лютарэвіч распавёў аб рабоце з моладдзю ў БелНДІДАС, дзейнасці першаснай прафсаюзнай арганізацыі і першаснай арганізацыі БРСМ.

Студэнтам таксама быў прадэманстраваны падрыхтаваны БелНДІДАС відэафільм, у якім маладыя супрацоўнікі інстытута распавялі пра карысць і перавагах навучання ў магістратуры, дадатковых магчымасцях, што адкрывае для прафесійнага і кар’ернага росту атрыманне ступені магістра.

Завяршыла мерапрыемства выступленне загадчыка кафедры крыніцазнаўства С.М.Ходзіна, які падтрымаў ініцыятыўныя прапановы БелНДІДАС, падзякаваў яго прадстаўнікам за праведзенае мерапрыемства.

Сустрэча прайшла ў цёплай нефармальнай абстаноўцы і выклікала непадробную цікавасць з боку студэнтаў.

1. Дырэктар БелНДІДАС А.Я.Рыбакоў расказвае студэнтам пра вынікі навуковых распрацовак інстытута

2. Студэнцкая аўдыторыя падчас сустрэчы

3. Студэнты падчас сустрэчы

4. Аб напрамках навуковых даследаванняў аддзела дакументазнаўства распавядае загадчык аддзела А.В.Шумская

5. Студэнтка 4 курса А.Кузьміч уважліва слухае выступленні работнікаў БелНДІДАС

6. Падчас прагляду відэароліка пра магістратуру

7. Вынікі сустрэчы падводзіць загадчык кафедры крыніцазнаўства С.М.Ходзін