Работнікі Беларускага дзяржаўнага архіва навукова-тэхнічнай дакументацыі прынялі ўдзел у Другой міжнароднай навукова-практычнай канферэнцыі «Стан і перспектывы развіцця міждзяржаўнай сістэмы навукова-тэхнічнай інфармацыі»
У Мінску і Віцебску з 13 па 15 жніўня 2024 г. праходзіць Другая міжнародная навукова-практычная канферэнцыя «Стан і перспектывы развіцця міждзяржаўнай сістэмы навукова-тэхнічнай інфармацыі».
Арганізатарамі канферэнцыі выступілі Дзяржаўны камітэт па навуцы і тэхналогіях Рэспублікі Беларусь, Рэспубліканская навукова-тэхнічная бібліятэка, Дзяржаўная публічная навукова-тэхнічная бібліятэка Расіі, Нацыянальная бібліятэчная асацыяцыя «Бібліятэкі будучыні».
З прывітаннямі да ўдзельнікаў канферэнцыі звярнуліся Старшыня Дзяржаўнага камітэта па навуцы і тэхналогіях Рэспублікі Беларусь С.В.Шлычкоў, навуковы кіраўнік Дзяржаўнай публічнай навукова-тэхнічнай бібліятэкі Расіі Я.Л.Шрайберг, намеснік генеральнага дырэктара Нацыянальнай бібліятэкі Беларусі – дырэктар па інфармацыйных рэсурсах і абслугоўванні карыстальнікаў В.У.Пшыбытка, генеральны дырэктар Дзяржаўнай публічнай навукова-тэхнічнай бібліятэкі Расіі А.С.Карауш, дырэктар Рэспубліканскай навукова-тэхнічнай бібліятэкі (1999 – 2024) Р.Н.Сухарукава (прывітанне зачытала дырэктар РНТБ А.П.Мончык).
У пленарным пасяджэнні выступілі Я.Л.Шрайберг з дакладам «Фарміраванне і развіццё дзяржаўнай палітыкі ў галіне навукова-тэхнічнай інфармацыі і навукова-тэхнічных бібліятэк», А.П.Мончык з дакладам «Асноўныя напрамкі дзейнасці Рэспубліканскай навукова-тэхнічнай бібліятэкі для забеспячэння эфектыўнага функцыянавання Дзяржаўнай сістэмы навукова-тэхнічнай інфармацыі (ДСНТІ) Рэспублікі Беларусь», генеральны дырэктар Прэзідэнцкай бібліятэкі імя Б.М.Ельцына, Санкт-Пецярбург Ю.С.Насоў (па відэасувязі) з дакладам «Навукова-тэхнічная спадчына Расіі ў калекцыях і праектах Прэзідэнцкай бібліятэкі « і іншыя.
У рабоце канферэнцыі прынялі ўдзел намеснік дырэктара ўстановы «Беларускі дзяржаўны архіў навукова-тэхнічнай дакументацыі» Г.С.Жалняркевіч і загадчык аддзела забеспячэння захаванасці і ўліку дакументаў архіва М.А.Міхайлава.
Праца канферэнцыі завершыцца 15 жніўня 2024 года ў Віцебску.
