У Дзень Незалежнасці Рэспублікі Беларусь супрацоўнікі ўстановы «Занальны дзяржаўны архіў у г.Маладзечне» прынялі ўдзел у святочных мерапрыемствах

Супрацоўнікі ўстановы «Занальны дзяржаўны архіў у г.Маладзечне», прадстаўляючы актыў Маладзечанскай раённай арганізацыі Беларускага прафсаюза работнікаў дзяржаўных і іншых устаноў, прынялі ўдзел у святочных мерапрыемствах, прысвечаных Дню Незалежнасці Рэспублікі Беларусь.

Каля брацкай магілы савецкіх воінаў, партызан, партыйных і савецкіх работнікаў адбыўся мітынг, прысвечаны 80-годдзю вызвалення нашай краіны ад нямецка-фашысцкіх захопнікаў. Таксама ля мемарыяла прайшла памінальная літыя, падчас якой прысутныя малітоўна аддалі даніну памяці героям вайны, якія жыццём сваім адваявалі свабоду нашай Айчыне. Пасля чаго ўшанавалі герояў хвілінай маўчання, усклалі кветкі ля падножжа помніка.

Затым калона, у складзе якой – прадстаўнікі вертыкалі ўлады, дэпутацкага корпуса, грамадскіх аб’яднанняў, жыхары горада прайшлі святочным шэсцем да помніка героям-вызваліцелям у Парку Перамогі, дзе ўдзельнікі мітынгу таксама схілілі галовы ў хвіліне маўчання перад мемарыялам. Завяршылася мерапрыемства цырымоніяй ускладання кветак.

Увесь дзень у цэнтральнай частцы горада працавалі святочныя і тэматычныя зоны, некаторыя з пляцовак былі падрыхтаваны з выкарыстаннем архіўных дакументаў Занальнага дзяржархіва г.Маладзечна.

1. Падчас мітынгу

2. Кіраўніцтва раёна і дэпутацкі корпус

3. Супрацоўнікі занальнага архіва прадставілі на мітынгу прафсаюз дзяржорганаў і іншых арганізацый

4. Мітынг каля брацкай магілы ў г.Маладзечне

5. Цырымонія ўскладання кветак

6. Святочныя залпы ў гонар 80-годдзя вызвалення Беларусі ад нямецка-фашысцкіх захопнікаў

7. Святочнае шэсце

8. Дырэктар архіва І.З.Пудакевіч і архівіст Р.У.Ступакоў