Установа «Дзяржаўны архіў Гомельскай вобласці» арганізавала паказ дакументальнага фільма «Вызваленне» для калектыву інспекцыі МПЗ па Навабеліцкім раёне г.Гомеля

2 ліпеня 2024 г. у рамках праекта «Адкрыты кінаархіў. Гэты дзень мы набліжалі як маглі» ўстанова «Дзяржаўны архіў Гомельскай вобласці» (далей – ДАГв) арганізавала паказ дакументальнага фільма «Вызваленне» для калектыву інспекцыі МПЗ па Навабеліцкім раёне г.Гомеля колькасцю 20 чалавек.

Дырэктар ДАГв Андрэй Мікалаевіч Сушчэвіч прадставіў запрошаным гасцям дакументальную выставу «Гомельшчына непакораная». Гэты выставачны праект з’яўляецца важкім укладам у вялікую працу, якая праводзіцца архіўнымі ўстановамі па захаванні гістарычнай памяці аб падзеях і ўдзельніках Вялікай Айчыннай вайны (1941-1945 гг.).

Выступаючы перад удзельнікамі мерапрыемства, дырэктар архіва расказаў аб праекце «Адкрыты кінаархіў. Гэты дзень мы набліжалі як маглі», які падрыхтаваў Беларускі дзяржаўны архіў кінафотафонадакументаў, дзе ў храналагічным парадку ідзе апавяданне аб вызваленні гарадоў Беларусі.

Перад праглядам дакументальнага фільма «Вызваленне» з супрацоўнікамі пагаварылі аб падзеях Вялікай Айчыннай вайны (1941-1945 гг.), аб неабходнасці захавання гістарычнай памяці. У ходзе абмеркавання дырэктар ДАГв даў вычарпальныя адказы на ўсе зададзеныя пытанні.

Акрамя таго, для запрошаных гасцей вядучым архівістам аддзела ўліку і забеспячэння захаванасці дакументаў ДАГв Марынай Бартноўскай была праведзена экскурсія па архівасховішчы.

Калектыў інспекцыі МПЗ па Навабеліцкім раёне г.Гомеля вывучае дакументальную выставу «Гомельшчына непакораная»

Выступленне дырэктара ДАГв А.М.Сушчэвіча перад праглядам дакументальнага фільма «Вызваленне»

Вядучы архівіст аддзела ўліку і забеспячэння захаванасці дакументаў ДАГв М.В.Бартноўская праводзіць экскурсію па архівасховішчы