Аб наведванні Цэнтральным архівам Міністэрства абароны Рэспублікі Беларусь Беларускага дзяржаўнага архіва кінафотафонадакументаў

6 кастрычніка 2022 года падчас святкавання 100-годдзя архіўнай службы Беларусі і Дня архівіста БДАКФФД наведалі калегі з Цэнтральнага архіва Міністэрства абароны Рэспублікі Беларусь.

Для гасцей была праведзена экскурсія па архіве. У ходзе расказу экскурсавода калегі з Цэнтральнага архіва Міністэрства абароны Рэспублікі Беларусь пазнаёміліся з унікальнымі аўдыёвізуальнымі дакументамі з фондаў архіва, рэстаўрацыйна-прафілактычнымі мерапрыемствамі па забеспячэнні іх захаванасці, магчымасцямі навукова-даведачнага апарата БДАКФФД. Асаблівую зацікаўленасць гасцей выклікалі работы па аблічбоўванні ўсіх відаў архіўных дакументаў.

Фільмы, прадэманстраваныя ў кіназале БДАКФФД: «Новы Мінск» (1954 г.) і лаўрэат Усерасійскага завочнага конкурсу падлеткавых медыяработ «Без тэрміну даўнасці. Непакораныя», «Слёзы Хатыні», зрабілі незгладжальнае ўражанне на гледачоў.

1. Адміністрацыя ўстановы «Беларускі дзяржаўны архіў кінафотафонадакументаў» падчас сустрэчы прадстаўнікоў Цэнтральнага архіва Міністэрства абароны Рэспублікі Беларусь і правядзення экскурсіі (6 кастрычніка 2022 г., БДАКФФД)

2. Прадстаўнікі Цэнтральнага архіва Міністэрства абароны Рэспублікі Беларусь падчас правядзення экскурсіі (6 кастрычніка 2022 г., БДАКФФД)

3. Загадчык архівасховішча аддзела забеспячэння захаванасці дакументаў і фондаў Т.П.Новікава падчас правядзення экскурсіі (6 кастрычніка 2022 г., БДАКФФД)

4. Загадчык аддзела аблічбоўвання дакументаў Беларускага дзяржаўнага архіва А.С.Цюхай у апаратнай падчас правядзення экскурсіі (6 кастрычніка 2022 г., БДАКФФД)