Зборнікі дакументаў і матэрыялаў Дзяржаўнага архіва Мінскай вобласці перададзены Тураўскай епархіі

Апублікавана: 1 снежня 2025 г.

1 снежня 2025 года Дзяржаўны архіў Мінскай вобласці наведаў святар Тураўскай епархіі, старшыня камісіі па кананізацыі святых іерэй Расціслаў Бандарэнка.

Свяшчэннаслужыцелю былі перададзены зборнікі дакументаў і матэрыялаў «Рэлігійнае жыццё на Міншчыне. Выпуск 1 (1918-1941 гг.)» і «Рэлігійнае жыццё на Міншчыне. Выпуск 2 (1941-1945 гг.)», падрыхтаваныя супрацоўнікамі Дзяржаўнага архіва Мінскай вобласці на аснове фондаў установы.

Іерэй Расціслаў ад імя Тураўскай епархіі падзякаваў калектыву архіва за ўклад у справу захавання гістарычнай памяці беларускага народа і, у прыватнасці, гісторыі Праваслаўнай Царквы на тэрыторыі нашай дзяржавы.

На здымку: Перадача зборнікаў дзяржархіва прадстаўніку Тураўскай епархіі