Занальны дзяржаўны архіў у г.Рэчыцы прадстаўляе дакументы аб вызваленні Гомельшчыны ад нямецка-фашысцкіх захопнікаў

У Рэчыцкім дзяржархіве на пастаянным захоўванні знаходзіцца фонд рэдакцыі газеты «За Радзіму» былога Камарынскага раёна Палесскай (с 1954 года – Гомельскай) вобласці. Адна з спраў гэтага фонда ўключае аператыўныя зводкі Савецкага інфармацыйнага бюро, якія датаваны 1 кастрычніка 1943 – 31 снежня 1944 года і адлюстроўваюць працэс вызвалення Беларусі ад гітлераўцаў Чырвонай арміяй у час Вялікай Айчыннай вайны 1941 – 1945 гадоў.

У прыватнасці, маюцца зводкі Савінфармбюро (Ф. 163. Воп. 1. Спр. 1. Арк. 33, 35, 38, 40), якія змястоўваюць весткі аб баях за вызваленне сённяшняй тэрыторыі Гомельшчыны ў лістападзе 1943 года, уключаючы гарады вобласці – Рэчыца, Васілевічы (абодва – 18 лістапада), Хойнікі (24 лістапада), Ельск, Чачэрск (абодва – 27 лістапада) і абласны цэнтр Гомель (26 лістапада).

 

1. ЗДАРэч. Ф. 163. Воп. 1. Спр. 1. Арк. 33

2. ЗДАРэч. Ф. 163. Воп. 1. Спр. 1. Арк. 35

3. ЗДАРэч. Ф. 163. Воп. 1. Спр. 1. Арк. 38

4. ЗДАРэч. Ф. 163. Воп. 1. Спр. 1. Арк. 40