Аб святкаванні 85-годдзя ўстановы «Дзяржаўны архіў грамадскіх аб’яднанняў Магілёўскай вобласці»

Апублікавана: 24 сакавіка 2025 г.

Установа «Дзяржаўны архіў грамадскіх аб’яднанняў Магілёўскай вобласці» святкуе 85-годдзе з дня заснавання. Кожны дзень у нашым жыцці адбываюцца новыя падзеі, кожны дзень ствараецца нашая гісторыя. Для таго, каб захаваць дакументальныя сведчанні падзей даўно мінулых дзён створана надзейная служба захоўвання, дзе дакументы абаронены ад страты – гэта архіў. Самая галоўная мэта архіваў – захоўваць дакументальна-гістарычную спадчыну, і не проста захоўваць, але і ажыўляць гісторыю, рабіць яе даступнай і зразумелай. Захоўваючы мінулае, мы ствараем будучыню, – падкрэсліла Алена Набокава, дырэктар установы «Дзяржаўны архіў грамадскіх аб’яднанняў Магілёўскай вобласці».

Урачыстае мерапрыемства адбылося ў Магілёўскай абласной бібліятэцы ім.У.І.Леніна. Павіншаваць супрацоўнікаў з юбілеем установы і пажадаць поспехаў у працы прыйшлі ганаровыя госці – першы намеснік начальніка галоўнага ўпраўлення юстыцыі Магілёўскага аблвыканкама Фралоў Сяргей Аляксандравіч, начальнік упраўлення абавязковай юрыдычнай экспертызы, каардынацыі дзейнасці службаў «адно акно», па архівах і справаводстве Клінцова Юлія Станіславаўна, загадчык аддзела па працы з прафсаюзнымі арганізацыямі Кандраценка Наталля Валер’еўна, а таксама дырэктара архіўных устаноў Магілёўскай вобласці Святлана Шараева, Алена Заяц, Таццяна Рыськова, ветэраны архіўнай галіны.

За ўзорнае выкананне службовых абавязкаў, добрасумленную працу, высокі прафесійны ўзровень і ў сувязі з юбілеем лепшыя супрацоўнікі ўзнагароджаны ганаровымі граматамі Галоўнага ўпраўлення юстыцыі Магілёўскага абласнога выканаўчага камітэта. Супрацоўнікі і ветэраны адзначаны падзякамі дырэктара архіва.

Загадчык аддзела па рабоце з прафсаюзнымі арганізацыямі Кандраценка Наталля Валер’еўна ад імя старшыні Магілёўскага абласнога аб’яднання прафсаюзаў Цумарова Уладзіміра Міхайлавіча за добрасумленную працу і плённую грамадскую дзейнасць уручыла Ганаровую грамату дырэктару архіва Алене Набокавай і падзяку прафарганізатару пярвічнай прафсаюзнай арганізацыі ўстановы «Дзяржаўны архіў грамадскіх аб’яднанняў Магілёўскай вобласці» Ганне Саковіч.

Святочнае мерапрыемства завяршылася экскурсіяй у музейны пакой Магілёўскай абласной бібліятэкі ім.У.І.Леніна.

1. Дырэктар архіва А.А.Набокава і загадчык аддзела па рабоце з прафсаюзнымі арганізацыямі Н.У.Кандраценка.

2. Дырэктар архіва А.А.Набокава і загадчык аддзела забеспячэння захаванасці дакументаў і фондаў С.У.Барцулёва.

3. Дырэктар архіва А.А.Набокава і загадчык аддзела інфармацыі, публікацыі, выкарыстання дакументаў і фарміравання НАФ Т.У.Шэўчык.

4. Загадчык аддзела па рабоце з прафсаюзнымі арганізацыямі Н.У.Кандраценка і прафарганізатар першаснай прафсаюзнай арганізацыі ўстановы «Дзяржаўны архіў грамадскіх аб’яднанняў Магілёўскай вобласці» А.С.Саковіч.

5. Першы намеснік начальніка галоўнага ўпраўлення юстыцыі Магілёўскага аблвыканкама С.А. Фралоў і вядучы архівіст аддзела забеспячэння захаванасці дакументаў і фондаў Т.В.Шыманава.