«Архівы – школе»: экскурсія для навучэнцаў установы адукацыі «Магілёўскі дзяржаўны каледж мастацтваў»

У рамках акцыі «Архівы – школе» і пілотнага праекта «Юны архівіст» працягваецца супрацоўніцтва ўстановы «Дзяржаўны архіў Магілёўскай вобласці» з установай адукацыі «Магілёўскі дзяржаўны каледж мастацтваў». 19 сакавіка 2025 года навучэнцы наведалі з экскурсіяй новы будынак архіва.

Дзеці пабывалі ў архівасховішчы, наведалі лабараторыю па аблічбоўцы архіўных дакументаў, чытальную залу.

У актавай зале для навучэнцаў была падрыхтавана выстава найбольш цікавых і значных дакументаў з архіўных фондаў. Сярод іх асабістыя справы выкладчыкаў і студэнтаў Беларускай дзяржаўнай сельскагаспадарчай акадэміі, фільтрацыйна-праверачныя справы грамадзян, вывезеных на прымусовыя работы ў Германію ў гады Вялікай Айчыннай вайны.

У завяршэнне мерапрыемства адбыўся прагляд дакументальнага фільма «Аперацыя «Баграціён», падрыхтаванага ўстановай «Беларускі дзяржаўны архіў кінафотафонадакументаў» (г. Дзяржынск).

Падчас экскурсіі студэнты змаглі задаць усе пытанні і атрымаць вычарпальныя адказы супрацоўнікаў архіва.

1. Наведванне навучэнцамі архівасховішча.

2. Дэманстрацыя працэсу сканіравання дакументаў.

3. Вучні знаёмяцца з выставай архіўных дакументаў.

4. Падчас прагляду дакументальнага фільма «Аперацыя «Баграціён»