17 снежня 2024 г.адбылося пасяджэнне Вучонага савета Беларускага навукова-даследчага інстытута дакументазнаўства і архіўнай справы

На пасяджэнні Вучонага савета былі разгледжаны заключныя і прамежкавыя справаздачы аб выкананні навукова-даследчых работ за 2024 год. Са справаздачамі выступілі кіраўнікі і адказныя выканаўцы тэм: І.У.Лютарэвіч, С.Я.Купрыянаў, І.А.Ганчарова, А.В.Тананаў, Л.М.Цымбал, А.В.Шумская, В.С.Пазнякоў.

Вынікі распрацовак па ўсіх планавых навуковых тэмах атрымалі станоўчую ацэнку. Па выніках абмеркавання навуковых праблем былі выпрацаваны рэкамендацыі па далейшай рабоце над тэмамі.

Актыўны ўдзел у рабоце савета прынялі намеснік дырэктара НАРБ А.А.Стуканава, прафесар кафедры крыніцазнаўства БДУ, кандыдат гістарычных навук М.Ф.Шумейка. Былі выказаны карысныя парады і заўвагі па падрыхтаваных у выніку навуковых даследаванняў праектах.

Завяршылася пасяджэнне Вучонага савета выступленнем малодшага навуковага супрацоўніка аддзела дакументазнаўства А.А.Недашкоўскай, якая праінфармавала калег аб ходзе падрыхтоўкі дысертацыі на суісканне вучонай ступені кандыдата гістарычных навук па тэме «Інстытуцыяналізацыя ў развіцці дакументазнаўства ў Беларусі». У працэсе дыскусіі суіскальніку вучонай ступені былі выказаны заўвагі і дадзены рэкамендацыі па далейшай працы над дысертацыйным даследаваннем.

1. Са справаздачай выступае навуковы супрацоўнік аддзела архівазнаўства І.У.Лютарэвіч

2. Са справаздачай выступае загадчык аддзела дакументазнаўства А.В.Шумская

3. Калектыў БелНДІДАС падчас Вучонага савета