Аб удзеле намесніка дырэктара Нацыянальнага архіва Рэспублікі Беларусь у школе гісторыка-публіцыстычнага майстэрства

Напярэдадні 25-гадовага юбілею Саюзнай дзяржавы Расіі і Беларусі ў Мінску адкрылася Міжнародная школа гісторыка-публіцыстычнага майстэрства «Ад агульнага мінулага да цэласнай гісторыі», падтрыманая Міждзяржаўным фондам гуманітарнага супрацоўніцтва дзяржаў-удзельніц СНД.

Мэтай мерапрыемства, арганізаванага фондам «Гістарычная памяць» і Інстытутам гісторыі НАН Беларусі, з’яўляецца павышэнне кваліфікацыі маладых гісторыкаў і публіцыстаў, правядзенне конкурсу моладзевых навукова-папулярных гістарычных работ. Удзел у мерапрыемстве прымаюць прафесійныя гісторыкі і студэнты з Беларусі, Расіі, Арменіі і Казахстана.

Перад удзельнікамі форуму выступіў намеснік дырэктара Нацыянальнага архіва Рэспублікі Беларусь (далей – НАРБ), к.г.н. С.В.Кулінок. Ён прадставіў даклад на тэму «Архівы як інструмент захавання гістарычнай памяці», у якім распавёў аб асноўных напрамках работы НАРБ у гэтым кірунку (акцыя «Архівы – школе», выдавецкая і выставачная дзейнасць).

Напрыканцы выступу С.В.Кулінок адказаў на пытанні ўдзельнікаў.

1. Удзельнікі школы гісторыка-публіцыстычнага майстэрства

2. Выступленне С.В.Кулінка

3. Удзельнікі школы гісторыка-публіцыстычнага майстэрства