Экскурсія супрацоўнікаў Нацыянальнага архіва Рэспублікі Беларусь ва ўстанову «Рэспубліканскі цэнтр алімпійскай падрыхтоўкі па зімовых відах спорту «Раўбічы»

5 кастрычніка 2024 года адбылася экскурсія супрацоўнікаў Нацыянальнага архіва Рэспублікі Беларусь ва ўстанову «Рэспубліканскі цэнтр алімпійскай падрыхтоўкі па зімовых відах спорту «Раўбічы», арганізаваная прафсаюзным камітэтам першаснай прафсаюзнай арганізацыі архіва.

Паездка была прымеркавана да прафесійнага свята – Дня архівіста. Работнікі азнаёміліся са спартыўнай, забаўляльнай і сацыяльнай інфраструктурай комплексу, атрымалі вычарпальную інфармацыю аб яго паслугах і мелі магчымасць асабіста паназіраць за трэніроўкамі прафесійных спартсменаў. Сярод іншага архівісты наведалі нядаўна адкрыты музей спарткомплексу.

Трэба адзначыць, што да паездкі далучыліся калегі з іншых архіўных устаноў, у тым ліку дырэктар Беларускага дзяржаўнага архіва-музея літаратуры і мастацтва А.А.Макаранка i намеснік дырэктара Нацыянальнага гістарычнага архіва Беларусі Н.Т.Булойчык. Усе работнікі атрымалі выключна станоўчыя эмоцыі ад высокага ўзроўню прыёму, які аказала адміністрацыя спарткомплексу, і ад сумеснага правядзення прафесійнага свята.

1. Работнікі Нацыянальнага архіва Рэспублікі Беларусь у крытым лядовым катку

2. Работнікі Нацыянальнага архіва Рэспублікі Беларусь у музеі спарткомлексу «Раўбічы»

3. Работнікі Нацыянальнага архіва Рэспублікі Беларусь аглядаюць экспазіцыю музея спарткомлексу «Раўбічы»

4. Работнікі Нацыянальнага архіва Рэспублікі Беларусь. Групавое фота