Ва ўстанове «Дзяржаўны архіў грамадскіх аб’яднанняў Гомельскай вобласці» прайшоў навучальны семінар на тэму «Змяненні і дапаўненні ў інструкцыю па справаводстве ў дзяржаўных органах, іншых арганізацыях»

31 ліпеня 2024 года ў рамках аказання практычнай і метадычнай дапамогі арганізацыям-крыніцам камплектавання дзяржаўнага архіва на базе ўстановы «Дзяржаўны архіў грамадскіх аб’яднанняў Гомельскай вобласці» прайшоў навучальны семінар на тэму «Змяненні і дапаўненні ў інструкцыю па справаводстве ў дзяржаўных органах, іншых арганізацыях».

У мерапрыемстве прынялі ўдзел абласныя, гарадскія і раённыя грамадскія аб’яднанні.

Увазе слухачоў была прадстаўлена мультымедыйная прэзентацыя па заяўленай тэме. У ходзе семінара былі разгледжаны: сфера і парадак прымянення Інструкцыі № 4, арганізацыйнае і прававое забеспячэнне справаводства, афармленне рэквізітаў дакументаў, выкарыстанне двухбаковага друку пры вырабе дакументаў на папяровым носьбіце, наменклатура спраў арганізацыі, фарміраванне спраў, экспертыза каштоўнасці дакументаў, афармленне спраў, знішчэнне дакументаў са скончанымі тэрмінамі захоўвання, асаблівасці працы з дакументамі ў электронным выглядзе, таксама была адзначана важнасць няўхільнага захавання патрабаванняў заканадаўства па справаводстве.

Удзельнікі мерапрыемства атрымалі магчымасць: задаць пытанні па зменах у інструкцыі, абмеркаваць практычныя аспекты прымянення новых правілаў, атрымаць практычныя рэкамендацыі па рабоце з дакументамі.

Семінар выклікаў вялікую цікавасць у слухачоў і стаў каштоўным інструментам для павышэння прафесійных кампетэнцый у вобласці справаводства.

У заключэнні ўдзельнікам семінара была праведзена аглядная экскурсія па архіве, падчас якой прадстаўнікі грамадскіх аб’яднанняў азнаёміліся з выставамі архіўных дакументаў і фатаграфій: «Працай слаўны чалавек» і «Героі Вялікай Перамогі», якія экспануецца ў дзяржаўным архіве.

1. Прадстаўнікі грамадскіх аб’яднанняў у час правядзення семінара.

2. Прадстаўнікі грамадскіх аб’яднанняў падчас экскурсіі па архіву.

3. Прадстаўнікі грамадскіх аб’яднанняў падчас экскурсіі па архіву.