Прэзентацыя кнігі «Вызваленне горада Магілёва 28 чэрвеня 1944 года. З успамінаў…», падрыхтаваная ўстановай «Дзяржаўны архіў грамадскіх аб’яднанняў Магілёўскай вобласці» да 80-годдзя вызвалення горада Магілёва

26 чэрвеня 2024 года, напярэдадні святкавання 80-й гадавіны вызвалення горада Магілёва ад нямецка-фашысцкіх захопнікаў на базе абласной бібліятэкі ім. В.І. Леніна ў рамках правядзення навукова-практычнай канферэнцыі «Маладыя бібліятэкары за захаванне гістарычнай праўды ў гады Вялікай Айчыннай вайны» адбылася прэзентацыя кнігі «Вызваленне горада Магілёва 28 чэрвеня 1944 года. З успамінаў…», прысвечанай 80-годдзю вызвалення Беларусі ад нямецка-фашысцкіх захопнікаў.

У аснове гэтага выдання ляжаць сапраўдныя архіўныя матэрыялы ўстановы «Дзяржаўны архіў грамадскіх аб’яднанняў Магілёўскай вобласці». Архіўныя матэрыялы знаёмяць нас з успамінамі і фатаграфіямі герояў-вызваліцеляў горада Магілёва ў чэрвені 1944 года.

28 чэрвеня 2024 года горад Магілёў адзначае памятную дату – 80-годдзе вызвалення ад нямецка-фашысцкіх захопнікаў, а 3 ліпеня 2024 года ўся наша краіна адзначае Дзень Незалежнасці Рэспублікі Беларусь і дзень вызвалення горада Мінска ад нямецка-фашысцкіх захопнікаў у ходзе аперацыі «Баграціён».

Таму 28 чэрвеня і 3 ліпеня – не проста святочныя даты. Гэта сімвал подзвігу ўсяго беларускага народа, яго гераізму ў Вялікай Айчыннай вайне.

1. Уручэнне кнігі намесніку дырэктара па асноўнай дзейнасці абласной бібліятэкі ім. В.І. Леніна Чумаковай В.А. дырэктарам архіва Набокавай А.А.

2. Кніга «Вызваленне горада Магілёва 28 чэрвеня 1944 года. З успамінаў…»