Занятак ў рамках пілотнага праекту «Юны архівіст» ва ўстанове «Дзяржаўны архіў Магілёўскай вобласці

У рамках пілотнага праекта «Юны архівіст» і пагаднення аб супрацоўніцтве ўстановы «Дзяржаўны архіў Магілёўскай вобласці» з установай адукацыі «Магілёўскі дзяржаўны каледж мастацтваў», 27 мая 2024 года адбыўся занятак з навучэнцамі 2 курса. У ходзе яго яны працягнулі вывучэнне архіўнай справы і пытанняў справаводства.

Пасля занятку ў чытальнай зале для прысутных быў прадэманстраваны фільм «Вызваленне», які быў падрыхтаваны супрацоўнікамі ўстановы «Беларускі дзяржаўны архіў кінафотафонадакументаў» (г.Дзяржынск) у рамках праекта «Адкрыты кінаархіў. Гэты дзень мы набліжалі як маглі», прысвечаны 80-й гадавіне вызвалення Рэспублікі Беларусь ад нямецка-фашысцкіх захопнікаў.