БДАМЛМ на прэзентацыі віртуальнага музея Максіма Багдановіча

19 снежня 2023 года работнікі Беларускага дзяржаўнага архіва-музея літаратуры і мастацтва наведалі літаратурны вечар «Па Максімавых сцежках» у ДУ «Мінская абласная бібліятэка імя А.С.Пушкіна» ў якасці партнёраў абласнога праекта «Пісьменнікі – ураджэнцы роднага краю».

На вечары былі падведзены вынікі дзейнасці двухгадовага праекта, прэзентаваны віртуальны музей Максіма Багдановіча, створаны пры супрацоўніцтве Беларускага дзяржаўнага архіва-музея літаратуры і мастацтва, Літаратурнага музея Максіма Багдановіча і Мінскай абласной бібліятэкі імя А.С.Пушкіна, адзначаны актыўныя ўдзельнікі абласнога конкурсу на стварэнне лепшага віртуальнага рэсурсу пра пісьменніка-земляка на афіцыйных сайтах бібліятэк і наведвальнікі інтэрнет-ресурсу.