Нацыянальны архіў Рэспублікі Беларусь да 75-годдзя Перамогі ў Вялікай Айчыннай вайне сумесна з Нацыянальнай бібліятэкай Беларусі падрыхтаваў выставачны праект «Вялікая Перамога»
Нацыянальны архіў Рэспублікі Беларусь да 75-годдзя Перамогі ў Вялікай Айчыннай вайне сумесна з Нацыянальнай бібліятэкай Беларусі падрыхтаваў выставачны праект «Вялікая Перамога»
Галоўная мэта праекта – захаванне гістарычнай памяці і глыбокае асэнсаванне падзей ваеннага часу.
Нацыянальны архіў Рэспублікі Беларусь прадставіў арыгіналы і копіі ўнікальных дакументаў: гісторыі партызанскіх атрадаў і брыгад, асабістыя лісткі па ўліку партызанскіх кадраў і ўзнагародныя лісты партызан, шыфраграмы, дакументы аб забеспячэнні партызанскіх атрадаў медыкаментамі і зброяй, журналы баявых дзеянняў.
Экспазіцыя таксама ўключае аўтэнтычны прадметны шэраг з Беларускага дзяржаўнага музея гісторыі Вялікай Айчыннай вайны, манаграфіі, энцыклапедыі, зборнікі архіўных матэрыялаў, дакументы і іншыя друкаваныя выданні з фондаў Нацыянальнай бібліятэкі Беларусі.
У рамках выставачнага праекта можна ўбачыць сцягі партызанскіх атрадаў і баявыя гвардзейскія сцягі з фонду Дзяржаўнага музея гісторыі Узброеных Сіл Рэспублікі Беларусь пры Міністэрстве абароны Рэспублікі Беларусь.
Кінастудыя “Беларусьфільм” дала для праекта паўсядзённае адзенне партызан і падпольшчыкаў, ваенную форму.
Аб’ёмнасць ўспрыманню ваенных падзей надаюць музейныя прадметы: інструменты зброевых майстэрняў, друкавальны станок, штампы, клішэ, радыёпрыёмнік падпольнай групы, хірургічныя інструменты, якія выкарыстоўваліся ў санчастках партызанскіх атрадаў, а таксама прадметы, сабраныя з месцаў расстрэлу – кайданы, ланцугі, калодкі ваеннапалоннага.
Відэаролік аб выставе, дасць магчымасць пазнаёміцца з яе фрагментамі.