Нарада з упаўнаважанымі службовымі асобамі сельвыканкамаў прайшла ў Бабруйску

Ва ўстанове «Занальны дзяржаўны архіў у г.Бабруйску» прайшла сустрэча з прадстаўнікамі сельвыканкамаў Асіповіцкага і Глускага раёнаў, Глушанскага і Гарбацэвіцкага сельвыканкамаў Бабруйскага раёна. Намеснік старшыні ТНП Магілёўскай вобласці Іна Гоціна сумесна з загадчыкам натарыяльнага архіва Магілёўскай натарыяльнай акругі Валянцінай Якаўлевай і метадыстам ТНП Зінаідай Тонкіх правялі шэраг нарад з упаўнаважанымі службовымі асобамі сельвыканкамаў.

У ходзе нарад абмеркавалі пытанні ўчынення натарыяльных дзеянняў упаўнаважанымі службовымі асобамі сельвыканкамаў, унясення звестак аб учыненых натарыяльных дзеяннях у Адзіную электронную сістэму ўліку натарыяльных дзеянняў і спадчынных спраў, парадак падрыхтоўкі натарыяльных дакументаў, якія ўтварыліся пры ўчыненні натарыяльных дзеянняў упаўнаважанымі службовымі асобамі сельвыканкамаў, да перадачы на захоўванне ў натарыяльны архіў Магілёўскай натарыяльнай акругі, а таксама ўнясенне выпраўленняў у натарыяльныя дакументы, якія знаходзяцца на захоўванні ў натарыяльным архіве Магілёўскай натарыяльнай акругі.

Пасля завяршэння нарады ў Занальным дзяржаўным архіве г.Бабруйска, загадчык натарыяльнага архіва Магілёўскай натарыяльнай акругі Валянціна Якаўлева азнаёмілася з працай планшэтнага сканара для аблічбоўкі дакументаў.

1. Намеснік старшыні ТНП Магілёўскай вобласці Іна Гоціна з уступным словам

2-3. Удзельнікі нарады

4. Дырэктар архіва Алена Заяц знаёміць загадчыка натарыяльнага архіва Магілёўскай натарыяльнай акругі Валянціну Якаўлеву з працай планшэтнага сканара для аблічбоўкі дакументаў