БелНДІДАС правёў выязны навучальны семінар для работнікаў канцэрна «Белнафтахім»

4 снежня 2024 г. БелНДІДАС правёў выязны навучальны семінар для работнікаў канцэрна «Белнафтахім» па тэме «Новае ў Правілах працы архіваў дзяржаўных органаў і іншых арганізацый. Прававое рэгуляванне сферы зваротаў грамадзян і юрыдычных асоб. Асаблівасці разгляду асобных відаў зваротаў».

У працы семінара, арганізаванага ў супрацоўніцтве з упраўленнем арганізацыйна-інфармацыйнай працы і кантролю канцэрна «Белнафтахім», у якасці слухачоў прынялі ўдзел работнікі справаводных і архіўных службаў цэнтральнага апарата канцэрна, якія ўваходзяць у яго склад, прадпрыемстваў і падраздзяленняў. Спікерамі ад БелНДІДАС выступілі дырэктар інстытута кандыдат гістарычных навук, дацэнт А.Я.Рыбакоў і вядучы навуковы супрацоўнік аддзела дакументазнаўства кандыдат гістарычных навук К.П.Дзярновіч.

На семінары былі разгледжаны тры асноўныя тэматычныя блокі пытанняў.

У рамках тэмы «Прававое рэгуляванне сферы зваротаў грамадзян і юрыдычных асоб. Асаблівасці разгляду асобных відаў зваротаў» былі разгледжаны пытанні заканадаўства аб зваротах грамадзян і юрыдычных асоб; віды зваротаў, якія не падпадаюць пад нормы Закона; праца ў сістэме «Обращения.бел»; асаблівасці разгляду асобных відаў зваротаў: паўторных, калектыўных, ананімных, вусных, зваротаў у рамках правядзення «гарачых» і «прамых» тэлефонных ліній»; парадак і тэрміны разгляду зваротаў грамадзян і юрыдычных асоб; адказнасць за парушэнне заканадаўства па зваротах грамадзян і юрыдычных асоб.

У рамках тэмы «Новае ў Правілах працы архіваў дзяржаўных органаў і іншых арганізацый» разгледжаны пытанні заканадаўства, якое рэгламентуе працу архіваў; асноўныя дакументы, якія павінны складацца ў архіве арганізацыі, парадак іх узгаднення, зацвярджэння; парадак падрыхтоўкі і перадачы спраў у архіў арганізацыі; арганізацыі экспертызы каштоўнасці дакументаў, у тым ліку дакументаў у электронным выглядзе.

У рамках тэмы «Арганізацыя архіўнага захоўвання электронных дакументаў» былі разгледжаны пытанні функцыянальных патрабаванняў да АС ДЗК і інфармацыйных сістэм архіваў арганізацый, парадку падрыхтоўкі і перадачы на захоўванне электронных дакументаў у АІС «Ведамасны архіў», тэрмінаў і алгарытму перадачы электронных спраў у ІС АЭД (для арганізацый — крыніц камплектавання).

Удзельнікі семінара высока ацанілі ўзровень праведзенага мерапрыемства, падкрэслілі важнасць і актуальнасць разгледжаных на семінары пытанняў, выказалі падзяку лектарам і арганізатарам.

Правядзенне семінараў і іншых навучальных мерапрыемстваў, якія арганізуюцца БелНДІДАС у рамках выканання даручэнняў Міністэрства юстыцыі Рэспублікі Беларусь і Дэпартамента па архівах і справаводству Міністэрства юстыцыі Рэспублікі Беларусь па растлумачэнні норм заканадаўства ў сферы архіўнай справы і справаводства, будзе працягнута.

1.Выступае вядучы навуковы супрацоўнік аддзела дакументазнаўства БелНДІДАС К.П.Дзярновіч

2.Выступае дырэктар БелНДІДАС А.Я.Рыбакоў

3.Агульнае фота арганізатараў і ўдзельнікаў семінара