Юридические документы, действовавшие на белорусских землях в период становления и развития Великого Княжества Литовского, Русского, Жемойтского
Статут Великого Княжества Литовского 1566 года (Извлечения).
Фотокопия. Печатный документ. На старобелорусском языке. Национальный правовой Интернет-портал pravo.by.
РОЗДЕЛЪ ПЕРВЫЙ
О ПЕРСОНЕ ГОСПОДАРСКОЙ
…
АРТЫКУЛЪ 25
О МЫТЕХЪ НОВЫХЪ
Тежъ уставуемъ и приказуемъ, абы жаден человекъ въ томъ панстве нашомъ
Великомъ Князстве Литовскомъ не смелъ новых мытъ вымышляти ани встановляти; ни
на дорогахъ, ни на местехъ, ани на гребляхъ, ани на рекахъ, ани въ торгахъ, ани
въ местечкахъ ни въ стодолохъ, або въ корчмахъ на гостинцахъ въ именьяхъ своихъ,
кроме которые бы были зъ стародавна установлены, або мели бы на то листы
продковъ нашихъ або наши…
…А на рекахъ портовыхъ, и на которыхъ портъ можетъ быти, а где кольвекъ въ
панстве нашомъ Великомъ Князстве, жаденъ ставовъ новыхъ становити и гребли
сыпати ку переказе порту и спусту не маеть мети. Такъ тежъ и езы на рекахъ
портовыхъ, где зъ стародавна бывали, хтобы ставилъ; тогды предсе маеть местца
заставляти такъ слушне, абы езомъ або тамованьемъ никому се шкода не стала. А
таковыхъ речей воеводове, старостове, державцы наши кождый въ державе своей
мають досмотрети, а новыхъ мытъ абы на реках портовыхъ и на ставехъ и на
гребляхъ не было, также на езохъ абы проходы были слушные безъ завады
заставованы.
АРТЫКУЛЪ 26
О НЕДАНЬЕ МЫТА ШЛЯХТЕ
Тежъ зъ ласки и доброти нашое господарское княземъ, паномъ радамъ духовнымъ и свецскимъ, шляхте въ томъ панстве нашомъ тую вольность на водахъ на дорогахъ, то есть сухимъ путемъ и воднымъ, на торгохъ, на мостехъ, такъ по именьяхъ нашихъ спущати и продавати зъ ихъ власныхъ гуменъ, кождому его роботы правдивое збожье а не купленое, отъ того мыто не маеть быти давано; такъ тежъ и одъ подводъ шляхецскихъ, которіе зъ ихъ речми властнымъ збожьемъ а стацыями, отъ того всего мыто и мостовое брано быти не маеть.
РОЗДЕЛЪ ВТОРОЙ
О ОБОРОНЕ ЗЕМСКОЙ
АРТЫКУЛЪ 1
О ПОВИННОСТИ, ЯКО ВСИ ОБЫВАТЕЛИ ВЕЛИКОГО КНЯЗСТВА ЛИТОВСКОГО ЧЫНИТЬ МАЮТЬ
Уставуемъ тежъ съ призволеньемъ радъ нашихъ зуполныхъ и всехъ становъ подданныхъ панства нашого Великаго Князства, ижъ кождый князь и панъ духовный и тежъ дворянинъ бояринъ и вдовы кождые и иные станы, и татарове наши, такъ мешане местъ нашихъ, маючи земское именье и лета зупалные маючы, часу потребы зъ нами и потомками нашими або при гетманохъ нашихъ винни будуть сами особами своими войну служыти и выправовати на службу военную, коли бы кольвекъ была потреба водле уфалы земское соймовъ нашихъ Великаго Князства, якая на онъ часъ будеть потреба оказовати, то есть и похожыхъ зъ именей зъ людей, яко будетъ потреба, отчызныхъ выслужоныхъ и купленныхъ…
АРТЫКУЛЪ 2
О ПОСТАНОВЕНЮ ОБОРОНЫ ЗЕМСКОЕ ТОЛЬКО НА СОЙМТЬ
Обецуем и уставуемъ вечными часы быти держано, ижъ кгды будеть потреба противко
которого непріятеля нашого обороны земское сему панству нашому Великому Князству
Литовскому, албо валка вести; тогды мы сами Господаръ або и съ паны радами
нашими не маемъ ани будемъ того учынити, ани серебщызны и поплату никоторую
установляти, ажъ первей соймъ великій вальный зложывшы въ томъ панстве нашом
Великомъ Князстве Литовскомъ, на которомъ за росказаньемъ и листы нашими будуть
повинни вси княжата и панове рады духовные и свецскіе, маршалки и иные врядники
земскіе и дворные, панове хоруговные, послы земскіе поветовые зъехатися; тежъ на
онъ часъ на сойме великомъ вальномъ зо радами нашими и зо всими княжаты и паняты
и зо всимъ рыцерствомъ порядою а позволеньемъ ихъ маемъ таковые речы становити а
не иначей. А ведьже где бы отъ котораго непріятеля нашого якое прудкое
уторгненье было въ се панство наше Великое Князство; тогды и безъ сойму толко за
листы нашими, а въ небытности нашой за листы пановъ радъ нашихъ гетмана нашого
великого мають вси князи и панове подданые нашы, войны павинны, на часъ и местце
назначаное ехати, яко на кгвалтъ, и то зъ милости Речы Посполитое боронечы собе
жоны и детей маетности отчызны своее.
АРТЫКУЛЪ 3
О НЕВЫЗВОЛЕНЬЕ ЛИСТЫ НАШИМИ, И ТЕЖЪ КОГО ВОЛНО ВЫЗВОЛИТИ
Тежъ уставуемъ, ижъ мы не маемъ жаднаго зъ войны отъ службы
земское такъ словнымъ росказаньемъ яко и презъ листы наши вызволити изъ войска
отпущати, такъ тежъ и гетманове наши не будутъ мочы вызволити и зъ войска
отпущати, кромъ тыхъ врядниковъ нашихъ и слугъ, которыхъ мы Господаръ на часъ
онъ часъ для послугъ нашихъ и справъ земскихъ зоставимъ, а ведже и тые почты
свои водле можности именей ихъ винны слати и выправовати.
…
АРТЫКУЛЪ 9
О ДУХОВНЫХЪ, ЯКЪ МАЮТЬ СЛУЖБУ ЗЕМСКУЮ СЛУЖЫТИ
Уставуемъ тежъ и духовные зъ именей своихъ свецкихъ и костелныхъ наданыхъ, съ которыхъ служба земская военная бывала до сихъ часовъ, такжо зъ именей своихъ отчызныхъ купленыхъ и закупленыхъ шляхецскихъ, войне повинныхъ, службу земскую служити мають тымъ же обычаемъ, направуючы съ тыхъ именей своихъ почетъ повинни при немъ слать за свою особу человека доброго шляхтича водле уфалы земское сеймовое.
РОЗДЕЛЪ ТРЕТІЙ
РО ВОЛЬНОСТЯХЪ ШЛЯХЕЦКИХЪ И О РОЗМНОЖЕНЬЮ ВЕЛИКОГО КНЯЗСТВА ЛИТОВСКОГО
АРТЫКУЛЪ 1
О РОЗМНОЖЕНЬЮ ВЕЛИКОГО КНЯЗСТВА ЛИТОВСКОГО
Мы Господаръ обецуемъ тежъ и шлюбуемъ за себе и за потомки наши Великіе Князи
Литовскіе подъ тоюжъ присегою нашою, которую есьмо учинили всимъ обывателемъ
всихъ земль Великого Князства Литовского и всихъ земль ку нему здавна и теперъ
належачыхъ у славе, титуле, столицы, зацность, и владзы, и можность
росказованью, и въ иншыхъ свихъ належностяхъ и прислухиванью и въ границахъ ни
въ чом не вменшати и о вшемъ примножати. И хотя бы панъ Богъ зъ ласки свое
светое намъ Господару узычити рачылъ панства Литовского князей и пановъ радъ
духовныхъ и свецскихъ и всихъ врядниковъ земскиъ и дворныхъ шляхту рыцерства и
всихъ иныхъ становъ ни въ чомъ томъ не понижати, але отъ всякое легкости и
пониженья, яко славное памяти продки наши, Великіе Князи Литовскіе, за щасливого
панованья своего чынити стеречы и боронити бедемъ, съ помочъю Божьею стараючисе
о примноженье и вывышенья того панства и всихъ становъ достойности оздобъ и
пожытковъ зъ наиболшою пилностью и всилованьемъ нашимъ.
АРТЫКУЛЪ 2
О ВОЛЬНОСТЯХЪ ШЛЯХЕЦСКИХЪ
Тежъ мы Господар обецуемъ словомъ нашимъ за насъ и за потомки наши Великіе Князи Литовскіе подъ такимъ же обовязкомъ нашимъ, яко вышей у первомъ артыкуле естъ описано, ижъ всихъ князей и пановъ радъ, якъ духовныхъ, такъ и свецскихъ, и всехъ врядниковъ земскихъ и дворныхъ, пановъ хоруговныхъ, шляхту, рыцарство, мещане и всихъ людей посполитыхъ у Великомъ Князстве Литовскомъ и во всихъ земляхъ того панства намъ заховати при свободахъ и вольностяхъ хрестіянскихъ, въ которыхъ они, яко люде вольные, вольно обираючы изъ стародавна изъ вечныхъ своихъ продковъ собе пановъ и Господарей Великихъ Князей Литовскихъ, жыли и справовали прикладомъ и способомъ волныхъ панствъ хрестіянскихъ, ровнаючы однако маючы и тыхъ вольностей ужываючы и зъ суседы братею своею рыцерствомъ и иные станы народц Коруны Польское, и особливе на то при свободахъ и вольностяхъ и листехъ Великихъ Князей Литовскихъ, продковъ нашихъ, и отъ насъ всемъ вобец яко и кождому зособна на учтивости достоенства вряды на именья на люде на кгрунты и на што кольвекъ даныхъ, и што еще будеть даваны впередъ, непорушите неотмените (вечными часы ховати). А хтобы тежъ што хотя безъ привильевъ за отчызнымъ правомъ якимъ кольвекъ обычаемъ набытыхъ людей кгрунтовъ своихъ въ держанью бвлъ, такъ за славного панованья продковъ нашихъ Короля его милости Казимера и Александра, яко тежъ за светое памяти и отца нашого и за нашого щастливого панованья, тые сами съ потомки ихъ близкими и теперъ то вечие держати мають и будуть.
АРТЫКУЛЪ 3
МЫ ГОСПОДАРЪ ОБЕЦУЕМЪ РОЗМНОЖАТИ
ВЕЛИКОЕ КНЯЗСТВО ЛИТОВСКОЕ, А ШТОБЫ
РОЗОБРАНО И ОДЫШЛО ЗАСЬ КУ НЕМУ
ПРИВЕРНУТИ
Тежъ добра Князства Литовского не уменшымъ и то, што будеть черезъ непріятелей того панства нашого отдалено розобрано и ку иншому панству отъ того нашого коли кольвекъ упрошоно, ку Короне ку Мазовшу ку Прусомъ ку Ифлянтомъ, то за се ку власности того Великого Князства привести и границы оправити обецуемъ. А хотя быхъ тедъ кому заграничникомъ при границахъ тыхъ верху мененыхъ земли именья села и люди дали; тогды таковые мають съ того служыти Великому Князству Литовскому, а хтобы не хотелъ служыти, таковыхъ прывильевъ не маемъ мы и потомки наши держати.
АРТЫКУЛЪ 4
О НЕДАНЬЕ ШЛЯХТЫ И ИХЪ ИМЕНЕЙ
КГРУНТОВЪ ВОЛЬНОСТЕЙ И ТЕЖЪ НЕДАНЬЕ
ЛИСТОВЪ И ПРИВИЛЬЕВЪ СЕМУ СТАТУТУ
Уставуесъ и вечными часы ховати и держати обецуемъ, ижъ яко
продки наши Великіе Князи Литовскіе, такъ и мы незвыклые никому ни которымъ
способомъ бояръ шляхецкихъ именей кгрунтовъ и земль давати, такъ и теперъ на все
потомные часы обецуемъ и прирекаемъ подъ тою жъ присегою нашою, которую есьмо
учинили обывательемъ сего панства нашого Великого Князства Литовского, бояръ
шляхты и ихъ именей кгрунтовъ и всякое маетности и иныхъ свободъ и вольностей и
правъ въ нихъ отбирати и отводити, и ни якимъ особамъ, которымъ кольве въ томъ
панстве обывателемъ яко и заграничникомъ и постороннимъ и жадному иному, давати
записовати и ни которымъ способомъ отдаляти не маемъ. А где бы што одержано и
вышло якимъ же кольвекъ обычаемъ противъ сего статуту; то с права и суду
справедливость черезъ насъ и потомки наши за радою радъ нашихъ Великого Князства
на сторону отложоно и ни во што обернено быти маеть. А про привильевъ въ
посполитомъ яко и кождому зособна не маемъ ани будемъ мачы давати противъ сего
статуту и артыкуловъ в немъ описаныхъ; а которые бы передъ тумъ вышли и про то
съ канцляреи нашое по выдацью сего статуту отъ насъ черезъ кого кольвекъ
одержаны были, таковыхъ мы и потомки наши держати не хочемъ, але справа и суду
сказовати и ни во што оборочати будемъ. Ведже кому быхмо зъ ласки нашое дали и
давати хотели родичомъ Великого Князства именья наши спадковые, и въ нихъ бояре
хотя бы шляхта была, а именьица свои здавна и ново тежъ черезъ данину оныхъ
пановъ, по комъ на насъ Господаря тые спадки пришли, (мели) и имъ служыли, а
листы потверженьемъ нашимъ не вызволили, въ томъ моцы рукъ и щодробживости нашое
и потомковъ нашихъ не замыкаемъ.
АРТЫКУЛЪ 5
О СОЙМИКОХЪ ПОВЕТОВОВЫХЪ И О
ВЫПРАВОВАНЬЮ И ПОСЛАНЬЮ ЗЪ НИХЪ
ПОСЛОВЪ ЗЕМСКИХЪ НА ВАЛЬНЫЙ СОЙМ
Уставуемъ для лепшого порадку во речахъ и въ способу ку
справедливости и обороне, абы за волею всехъ на соймикахъ потребы се земкіе
становили и отправованы были, абы вечными часы передъ сеймомъ великимъ
вальнымъ,которымъ маемъ мы и потомки нашы завжды, коли того потреба окажеть Речы
Посполитое Великого Князства, порядою радъ нашихъ тогодъ панства складати листы
нашими соймики поветовые, а мановите на тыхъ местцахъ и воеводствахъ нижей суть
написаныхъ и постановленныхъ, которые соймики также листы нашыми даны будуть не
на близшей часъ и рокъ, толко за чотыры надели передъ соймомъ великимъ. На
которые соймики мають зъежджатися и быти тые воеводове и каштелянове врядники
земскіе, потомужъ князеве панове шляхта того жъ повету и воеводства, а намовляти
о тыхъ речахъ и потребахъ земскихъ, которые имъ на местцахъ нашихъ ознайменены
будуть, на мней тежъ о своихъ и о всехъ потребахъ хемскихъ и долеглостяхъ оного
повету и воеводства; и зволившыся вси одностайнымъ зданьемъ мають обирати
пословъ своихъ, то естъ отъ кождого суду земского, колко ихъ у томъ воеводстве
будеть, по две особы, послати ихъ на соймъ ознаймившы и вручившы то все имъ, о
чомъ водле листовъ нашихъ господарскихъ, и тежъ во всиехъ потребахъ, радити
намавляти и ставити мають, даючы имъ моцъ на томъ таковомъ вальномъ сойме
поступовати и кончыти тые и иншые припалые речы водле часу и потребы. Ведже
князей, пановъ, маршалковъ и иныхъ всихъ урядниковъ земскихъ и дворныхъ подле
старого обычаю маемъ листы нашими на таковый вальный соймъ взывати; и тые вси въ
раде посполитой местца и воты свои будуть мети способомъ звычаю стародавного, а
послове земскіе местца и воты свое мають мети водле порадку нижей написаного.
АРТЫКУЛЪ 6
О СОЙМУ ВАЛЬНОМЪ
При том тежъ уставуемъ, съ призволеньем радъ нашихъ духовныхъ и свецкихъ и зо всими станы сойму належачыми, на теперешнем сойму великомъ Виленскомъ, хотечы то все мети вечными часы, ижъ маемъ мы и потомки наши Великіе Князи Литовскіе съ потребы Речы Посполитое за радою радъ нашихъ того жъ панства, або за прозбою рыцерства, складати сеймы вальные въ томъ же панстве Великомъ Князстве Литовскомъ завжды, коли колко того будеть потреба.
АРТЫКУЛЪ 7
АБЫ ШЛЯХТИЧЪ БЕЗПРАВНЕ НЕ БЫЛЪ ИМАНЪ АНИ САЖОНЪ
Тежъ обецуемъ и вечными часы мети хочемъ мы Господаръ и потомки наши, ижъ все рыцерство шляхту Великого Князства при вольностяхъ звыклыхъ, которые отъ насъ Господаря и отъ продковъ нашихъ имъ суть наданы, будемъ повинни мети заховати и держати. Тежъ кождый шляхтичъ оселый подле права позваный, непоконаный правомъ, отъ насъ Господара и отъ кождого вряду иманъ и въ везенье сажонъ быти не маеть.
АРТЫКУЛЪ 8
АБЫ ПАНОВЕ ШЛЯХТУ О ПОЧТИВОСТЬ ИХЪ
САМИ НЕ СУДИЛИ
Тежъ уставуемъ, ижъ княжата и панове рада наша шляхту и кождого бы зъ рицерства нашого, которые тежъ шляхту нашу служебниками въ себе ховаютъ, не мають сами о почтивость судити кроме насъ; бо тотъ судъ никому иному не належитъ одно Господару. А што се дотычеть злодейства и иншихъ речей выступковъ — то волни будуть панове ихъ зъ ними, осадившы при собе пред се шляхту людей добрыхъ, справедливость чынити, а въ чомъ былъ хто съ права поконанъ, тогды тотъ за выступокъ свой терпети и каранъ маеть быти бы и горломъ.
АРТЫКУЛЪ 9
ИЖЪ ДОСТОИНСТВЪ ВРЯДОВЪ ВЪ ДТЬДИЦТВО
ЧУЖОЗЕМЦМЪ ДАВАНО БЫТИ НЕ МАЕТЬ
Такъ тежъ мы Господаръ обецуемъ и шлюбуемъ подъ присегою нашое,
которую учынили есьмо Великому Князству Литовскому и всимъ станомъ и обывателемъ
его, беручы то изъ статуту старого пана отца нашого Короля его милости тому
панству Великому Князству Литьовскому, даного, а въ сесь выкладаючы и на то
позволяючы, штожъ въ томъ панстве Великомъ Князстве Литовскомъ и во всихъ
земляхъ ему прислухаючыхъ достойностей духовныхъ и свецкихъ городовъ жворовъ и
кгрунтовъ староствъ въ держаньи и пожываньи и вечностей жадных чужоземцомъ и
заграничникомъ ани суседомъ таго панства давати не маетмъ; але то все мы и
потомки наши Великіе Князи Литовскіе давати будуть повинни только Литве а Руси,
ролдичомъ старожитнымъ и вродовцамъ Великаго Князства Литовского и иныхъ земль
тому Великому Князству належачыхъ.
…
АРТЫКУЛЪ 10
ДОСТОЙНОСТИ И ВРЯДЫ ДЫВНЫЕ НЕ МАЮТЬ
БЫТИ НАРУШОНЫ
Тежъ обецуемъ и хочемъ вечными часы мети, абы панове рада наша, такъ духовные яко и свецкіе, и вси иные врядники нашы земскіе и дворные, въ томъ панстве нашомъ Великомъ Князстве Литовскомъ были во всякихъ достоенствахъ и у почтивостяхъ захованы водле двного обычаю и кождый подле зацности и местца своего. А што се дотычеть владности и справъ ихъ судовыхъ; въ томъ се они мають заховати и справности, яко нижей въ семъ статуте есть описано.
АРТЫКУЛЪ 11
ДОСТОЕНСТВЪ И ВРЯДОВЪ НА ЗАОЧНОЕ
ОБМОВЕНЬЕ НЕ МАЕМЪ ОДЫЙМАВАТИ
Тежъ обецуемъ, ижъ достойностей всякихъ врядовъ староствъ державъ тивунствъ на справу чію кольвекъ и на обмовы заочные мы и потомки наши не мають отнимати; але коли бы который изъ врядниковъ нашихъ былъ роспрошытель або шкодникъ нашъ и дворовъ нашихъ, и до нас бы въ томъ обмовенъ и обвиненъ был; тогды обоя сторона, якъ тая хто ведетъ, такъ на кого Менитъ, мають передъ нами очевисто стати, а мы съ паны радами нашими Великого Князства Литовского, выслухавшы ихъ и розознвавшы тую речъ, винного водле выступку его карати маемъ, а безвинне и безъ права на заочное поведанье не будмъ ни в кого врядовъ брати, ани ихъ зъ нихъ рушиати.
АРТЫКУЛЪ 12
О ДЕРЖАНЬЮ СТАРЫХЪ УСТАВЪ, А НОВЫХЪ
БЕЗЪ СЕЙМУ ВАЛЬНОГО НЕ ВСАВЛЯТИ
Тежъ прирекаемъ вси привелея земскіе стародавные и ново отъ насъ наданые волности и звычай добрый стародавный тымъ статутомъ нашимъ ховати и ни въ чомъ ни нарушати, а нового ничого не встановляти. А ведъ же была ль бы того потреба што нового прибавити ку доброму речы посполитой; тогды того не маемъ чынити ани вставъ жадныхъ делати, ажъ на вальномъ сойме того панства нашого и въ здешнемъ панстве нашомъ Великомъ Князстве Литовскомъ, зъ ведомостью порадою радъ нашихъ и призволеньемъ всихъ земль того панства нашого.
АРТЫКУЛЪ 13
О ВОЛНОСТИ ВЫЕХАНЬЯ НАШОГО ИЗЪ ЗЕМЛИ
КРОМЪ ЗЕМЛЬ НЕПРІЯТЕЛЬСКИХЪ
Тежъ узычаемъ и уфаляемъ вечными часы, абы княжата и панове
хоруговные шляхты и кождый человек рыцерскій и всякого стану того панства нашого
Великого Князства Литовского мели вольность и моцъ выехати и выйтит съ тыхъ
земль нашихъ Великого Князства для наукъ у письме цвиченя учынковъ рыцерскихъ и
лепшаго счастья своего, и тежъ будучы неспособного здоровья своего для лекарствъ
до всякихъ сторонъ и земль, кроме земль непріятелей нашихъ Московского
бесурманскихъ и иншыхъ, съ кимъ тое панство наше на онъ часъ вальчыло.
…
АРТЫКУЛЪ 20
О ШЛЯХТЬ, КОТОРЫЕ БЫ ВЪ МТЬСТЬ
ОСТЬЛОСТЬ ПРЫНЕЛИ
Тежъ уставуемъ, ижъ кгды бы шляхтичъ занехавшы именья шляхецскаго, а ищучы пожывенья, штолъ бы собе до места и мешкаючы тамъ, торгъ мескій ведучы або шынкъ въ дому маючы або ремесло робечы, понехавшы на тотъ часъ шляхецтва своего подле уставы нижей у артыкуле описаное; тогды сынове не хотели и локтемъ не мерили, а наследовали поступковъ рыцерскихъ продковъ своихъ, таковые мають быти за правую шляхту почытаны.
АРТЫКУЛЪ 21
О ПРОСТЫХЪ ЛЮДЕХЪ, КГДЫЖЪ ПОВЫШЕНЯ ЧЕСТИ И СТАНОВЪ ЗА
ГОДНОСТЯМИ ЗАСЛУГАМИ МОГУТ БЫТИ
Кождого власне рукъ и шафунку и зверхности нашое господарское
належыть, и тежъ постерегаючы всякого обелженя стану шляхецкого отъ людей
простого стану, окромъ сосбливое ласки и надареня отъ зверхности нашое
господарское, ольности прывильевъ стану шляхецкого самъ собе прывлащати и ихъ
никоторымъ обычаемъ ужывати не можеть.
…
АРТЫКУЛЪ 31
КНЕГИНЬ, ПАНЕЙ, ДЕВОКЪ, ВДОВЪ НЕ МАЕМЪ НИ ЗА
КОГО КГВАЛТОМЪ ДАВАТИ
Тежъ обецуемъ и приказуемъ кнегинъ, паней вдовъ, княжонъ, паненъ
девокъ шляхтянокъ и всякого иного стану рожаю земского, яко людей вольныхъ подъ
вольнымъ панованьемъ нашимъ господарскимъ, заховати ихъ при вольностехъ ихъ, а
кгвалтомъ ни за того волно пойти.
…
АРТЫКУЛЪ 33
ВСИМЪ СТАНОМЪ НАРОДУ ШЛЯХЕЦКОГО, ЯКЪ ХОТЯ,
ВОЛНО ИМЕНЬЯМИ ШАФОВАТИ
Тежъ уставуемъ, ижъ всимъ станомъ шляхецкого народу яко и людемъ
вольнымъ вольно естъ и будетъ именьями своими отчизными материстыми и якимъ жъ
кольвекъ обычаемъ набытыми шафавати, подле потребы воли и подобанья своего
отдати, продати, записати, заставити въ долгу и въ сумахъ завести, заменяти;
ведже водле того, яко о томъ шырей у розделе о записехъ естъ описано.
…
АРТЫКУЛЪ 39
МЫ ГОСПОДАРЪ ШЛЮБУЕМЪ ОДНАКУЮ СПРАВЕДЛИВОСТЬ ВСИМЪ ЧИНИТЬ,
А ПЕРЕДЪ СУДОМЪ (У ІНШАЙ РЭДАКЦЫІ:
«А ПЕРЕСУДУ».-ПРІМЕЧ. РЕД.) МЫ И ПАНОВЕ РАДЫ НАШИ БРАТИ НЕ МАЕМЪ
Обецуемъ тежъ зъ ласки и добрости и милости нашой господарской
ку подданнымъ нашимъ, всему рицерству Великого Князства Литовского, подъ
сумненьемъ нашимъ, ижъ мы Господар и панове рада наши маемъ кождому стану всимъ
заровно однакую справедливость чинить безъ отволоки, а отъ права не маемъ ничого
брати; потомужъ и панове рада наша, а не маемъ тежъ стати и зычностью быти одной
стороне, але просто кождому справедливость делати будемъ повинни, такъ тежъ и
панове рада наши подъ присегою, которую до вчинили, справедливость чинити будеть
повинни.
…
АРТЫКУЛЪ 41
О НЕВЫВОЖЕНЬЮ ПРИПРАВЪ ВОЕННЫХЪ
ДО ЗЕМЛИ НЕПРІЯТЕЛЬСКОЕ
Уставуемъ и вечными то часы мети хочемъ, постерегаючи того, абы
зо всихъ земль панства нашого Великого Князства Литовского яко жидове татарове
купцы и вси подданые наши, которого кольвекъ стану, явне и таемне всякихъ броней
железа ручницъ нажовъ стрелъ и всякого иншого наряду военного не выпущали и не
вывозили, посломъ не продавали, съ чого бы непріятель силитись могъ.
…
РОЗДЕЛЪ 4-й О СУДЬЯХЪ И О СУДЕХЪ
АРТЫКУЛЪ 1
О ВЫБИРАНЬЮ СУДЕЙ ВЪ ПОВЕТЕ
Уставуемъ, ижъвъ тыхъ поветехъ, которые суть нижей росписаны, и
въ кождомъ таковомъ повете, где еще до сихъ часовъ не обраны, зособна мають быти
судья подсудокъ и писаръ, которые такъ и тымъ обычаемъ мають быть выбраны и на
таковые уряды установлены. На первей маемъ мы Господаръ часъ певный зложити и то
листы нашими по всихъ таковыхъ поветехъ ознаймити, где въ кождомъ повете княжата
панове рада наша, также рицерство и шляхта вси, хто кольвекъ якого стану будетъ
тамъ именья свои мети, зъехатися мають до двора, которій на посродку того повету
будетъ, и тые которые ся зъедутъ не ждучи никого, хтобы въ повете именье маючи
пріехати не хотелъ, ку тому року мають выбрати зо всее шляхты того повету братьи
своее на кождый врядъ таковый, на судейство чотырохъ людей добрихъ, на
подсудство другихъ чотырохъ, на писарство третихъ чотырохъ людей добрихъ,
цнотливыхъ, ростропныхъ въ праве у местныхъ, роду шляхецкого, въ томъ повете
добреоселыхъ, не иное веры только Хрестіянское; и выбравшы ихъ, тыхъ выбраныхъ
черезъ листы свои намъ Господарю ознаймити мають, а мы съ тыхъ всихъ дванадцати
особъ выберемъ трехъ до того повету на врядъ земскій, на судъ судою и подсудка и
писара. Которіе отъ насъ выбраные и потверженые на першыхъ рокохъ судовыхъ
передъ поветовымъ воеводою, або въ небытности воеводиной передъ кашталяны, а въ
земли Жомонтской передъ старостою Жомоитскимъ, при зобранью шляхты, што ихъ тамъ
въ томъ часе судеть, маеть судья подсудокъ и писаръ присегнути тыми словы:
Я присегаю Пану Богу во Троицы единому, ижъ въ томъ повете водле Бога
справедливе подле права и статута сего писаного Великого Князства Литовского,
водлугъ жалобы и отпору, ничого не прикладаючи ани уймуючи, буду сознавати и
записы пріймовати, не фолкгуючи высокимъ и подлымъ станомъ на достойностяхъ и на
врядехъ седячимъ, на богатого ани на вбогого, на пріятеля кровного заховалого,
ани на ту тутошнего, не на гостя не смотречи, не съ пріязни не зъ вазни не зъ
боязни не за посулы и дары, ани сподеваючися на потомъ дарованья и якого
нагороженья, и не радечи стороне, а ни боячися казни помсты и погрозокъ, але
самого Бога и его светую справедливость и право посполитое и сумненье свое
передъ очима маючи, тежъ роковъ николи не омешкиваючи, кромъ великое правдивое и
зложное хоробы; а якъ то справедливе присегаю Богу, такъ ми Боже помози; а естли
несправедливе, — Боже ми не поможы.
А писаръ земскій маеть по Руску литерами и словы Рускими вси листы и позвы
писати, а не иншымъ языкомъ и словы, и такъ маеть писаръ присегати:
Я, N, присегаю Пану Богу въ Троицы единому на томъ, ижъ справедливе водле Бога и
того права писаного и подлугъ мовенья и споровъ сторонъ, ничего не прикладаючы
ани уймуючы, у суду записовати и радити судьи и подсудку верне и справедливе,
подле сознанья сторонъ и споровъ на судехъ и осведченья и оповеданья судового и
сказанья судового, и въ книги судовые вписовати быду а пислновати и догледовати,
абы подле сее присегеи моее справедливе были вписаваны, не маючы баченья не
высокіе а ни подлые станы на достойностяхъ седячыхъ, на богатого, ани на вбогого
на пріятеля кровного заховалого, ани на непріятеля, на тутошнего, ани на гостя,
не съ пріязни не зъ вазни не за посулы и дары, а не боечыся вазни и помсты и
погрозокъ, не ждучы нагороженья, але самого Бога и его светую справедливость и
право посполитое передъ очима маючы, и сумненье свое добре а побожие справуючы,
такъ ми Боже поможы.
А потомъ, кгды бы который съ тыхъ на початку и знову отъ насъ теперъ выбраные
умеръ, судья, подсудокъ, або писаръ, а трафило се бы то въ небытности нашой;
тогды тые, которые на тыхъ урядехъ зостануть, мають о томъ дати знати воеводе
своему, а въ земли Жомоитской старосте Жомоитскому; а воевода маеть черезъ листы
свои старостамъ и шляхте того повету, а староста Жомоитскій тивуномъ шляхте и
всякого стану оное Жимоитское земли обывателемъ часъ зложити, на который
зъехавшися вси станы оного повету и до такового двору нашого, яко вышей описано,
мають на местце того умерлого чотырохъ особъ таковыхъ же, яко первымъ выменено,
обрати и намъ черезъ листы свои отворотные за печатью воеводиною ознаймить; а мы
потомъ съ тыхъ чотырохъ одного, который се намъ видети будеть, выбравшы на
местце того умерлого судьи подсудка або писара, которого съ тыхъ въ тотъ часъ
потребовати будуть, не отволочие установити. А где бы на судство обрали подсудка
або писара земского; тогды на тое местце тамъ же за разомъ на тотъ врядъ
обобравшы къ намъ послати мають; а тотъ, кому тотъ врядъ дамо, потомъ на першыхъ
рокохъ судовыхъ будеть повиненъ первей на местцу тамъ передъ тымъ воеводою або
кашталяномъ и передъ старостою оного суду такъ, яко вышей описано, присегнути,
тожъ потомъ врядомъ своимъ владнути и справовати. И такъ мають вжо вечными часы
въ поветехъ около выбранья тых врядниковъ справоватися и захавати.
…
АРТЫКУЛЪ 8
О СУДЬЯХЪ, ЯКІЕ МАЮТЬ БЫТИ ОБИРАНЫ
Уставуемъ, ижъ на тые вряды яко на судейство на подсудковство и
писарство не мають быти выбираны духовные особы, а ни сторостове державцы, а ни
тивунове того повету, ани хоружые и ни хто таковый, хтобы въ томъ повете нашомъ
врядникомъ былъ; але таковые и такъ мають быти выбираны яко вышей описано.
…
АРТЫКУЛЪ 33
ХТОБЫ САМЪ НЕ МОГЪ, АБО НЕ УМЕЛЪ У ПРАВА МОВИТИ
…Къ тому кгды бы хто, не могучы самъ справовати речы своее у
суда и не вмеючы мовити, прокуратора потребовалъ; тогды судъ повиненъ ему зъ
уряду прокуратора дати, и казати прокуратору отъ него мовити, а речъ его
справовати. А въ вображенью маестату нашого господарского обецуемъ прокуратора
обвиненой стороне дати. За се будеть повиненъ судъ зъ ураду дати прокуратора, и
дармо казати ему мовити отъ убогихъ сиротъ и вдовъ немаетныхъ и тымъ тежъ,
которыи бы або за пріязнью або тежъ убозтвомъ своимъ прокуратора мети и сами
речы своее за недостаткомъ своимъ въ суду справовати не могли.
…
АРТЫКУЛЪ 38
ИЖЪ НИХТО СЪ БРОНЯМИ ПЕРЕДЪ СУДЪ ПРИХОДИТИТ НЕ МАЕТЬ
Уставуемъ тежъ грозно приказуючы, абы нихто съ подданыхъ нашихъ
княжатъ пановъ радъ,почоншы отъ вышшого ажъ до нижшого стану, яко сами панове
такъ и слуги ихъ при панахъ своихъ и безъ пановъ пріятель за пріятелемъ, не
смелъ въ зброяхъ кафтанахъ и съ такими бронями, то естъ съ древомъ зо щепомъ зъ
ручницою зъ лукомъ и съ кушою и зъ иными всякими, до суду замкового земского
приходити и при собе мети; а ведже кордъ и мечъ то при собе мети можеть и
носити.
…
РОЗДЕЛЪ ПЯТЫЙ О ПРАВЕ ПОСАГОУ
АРТЫКУЛЪ 1
КОТОРОМЪ ОБЫЧАЕМЪ ОТЕЦЪ ВЫДАЮЧЫ ДЕВКУ
СВОЮ ЗАМУЖЪ МАЕТЬ ОБВАРОВАТИ И ВПЕВНИТИ
ЗАПИСАНЬЯ ВЕНА ОТЪ ЗЯТЯ
Тежъ уставуемъ, ижъ кождый обыватель того панства которого
кольвекъ будучы стану, выдаючы дочку свою замужъ и даючи за нею посагъ або
выправу подле доброе воли своее, наипервей нижли девку выдастъ, маеть отъ зятя
взяти записъ подъ печатью его и подъ печатьми людей добрихъ, которымъ онъ на
третей части именья своего лежачого оный посагъ або выправку совито описати
маеть потомужъ яко нижей описано; а потомъ оный записъ тотъ же зять на первыхъ
рокохъ земскихъ передъ судомъ земскимъ оного повету, въ которомъ оселости маеть,
оповедати и въ кники земскіе записати маеть, таковая отправа маеть быти въ
кождого права задержана.
…
АРТЫКУЛЪ 18
О РОЗВОДЕХЪ МАЛЖЕНСКИХЪ ПЕРЕДЪ СУДОМЪ ДУХОВНЫМЪ
Тежъ уставуемъ, ижъ розводъ малженскій маеть быти передъ судомъ духовнымъ обоего стану водле правъ нашихъ хрестіянскихъ: если мужъ зостанеть виненъ зъ розсудку права духовного, тогды жона останеть на оправе отъ него описаной; а пакли бы жона винна найдена, тогды внесенье и оправу свою тратить. А ведже если бы розводъ слушный доводомъ для кревности, ижъ ся малженство въ неведомости кревности стало, або для иншыхъ причынъ, которые бы се передъ правомъ духовнымъ показали, ижъ бы слушный розводъ мелъ быти; тогды при розводе венокъ при мужу и внесенье при жоне зостати маеть.
РОЗДЕЛЪ СЕМЫЙ
О ЗАПИСЕХЪ И ПРОДАЖАХЪ
АРТЫКУЛЪ 1
О ЗАПИСЕХЪ НА ИМЕНЬЯ СВОИ ОТЧЫЗНЫЕ И МАТЕРИСТЫЕ
…Што вси отъ сего часу и дня волно и моцно кождому именья свои
отчызные и земскіе материстые и выслужоные купленые и якимъ кольвекъ обычаемъ
набытые и названые, не смотречы третее и двохъ частей, яко передъ тымъ бывало въ
статуте обычаемъ стародавнымъ, але все съ домомъ, хто ихъ што маеть, будь тежъ
половицу або и которую ихъ часть, и по собе и у одно або люди земли, што хотя
отъ нихъ водле доброе воли своее и мысли, отдати продати даровати и записати
заставити, отъ детей и близкихъ отдалити, подле баченья своего тымъ шафовати.
…
РОЗДЕЛЪ ОСМЫЙ
О ТЕСТАМЕНТЕХЪ
АРТЫКУЛЪ 1
ХТО МОЖЕТЬ И НЕ МОЖЕТЬ О РЕЧАХЪ СВОИХЪ РУХОМЫХЪ ТЕСТАМЕНТЪ ЧИНИТИ
Уставуемъ, ижъ кождый маеть мети моцъ о речахъ своихъ рухомыхъ
тестаментъ чинити, кромъ тыхъ парсунъ нижей описаныхъ, котрые парсуны ижъ подле
права не мають ничого вольного, для того тестаментомъ никому ничого отдачи не
могуть: наипервей дети летъ зупольныхъ не маючіе, законники будучи въ законе не
привильеваномъ, принемши и потвердившиеся въ законе, сынове зъ отцемъ недельные
окромъ речей набытья своего властного або выслугъ, бо тежъ въ чужую мацъ
поданые, то естъ тотъ кого бы кому выдано зъ его статки, шаленые, кацеры,
невольники, отъ розуму отходячіе, а ведьже тые, коли къ собе прійдут, моцны
тастаментъ своей чинити, такъ тежъ и чти отсужоные не могуть тестаментовъ
чинити.
…
АРТЫКУЛЪ 4
НІХТО НЕ МОЖЕТЬ НЕВОЛЬНИКУ СВОЕМУ НИЧОГО ЗАПИСАТИ, ВОЛЬНЫМЪ НЕ ВЫИНИВШИ
Уставуемъ, ижъ кождый якого кольвекъ стану невольнику своему, не
вчинившы его на передъ вольнымъ, ничого тестаментомъ записати не может, абы его
первей вольнымъ учинилъ. А ведже тестаментомъ ижъ каждымъ листомъ явнымъ можетъ
невольника своего вольнымъ учынити, а учинившы, тымъ же тестаментомъ можеть ему
што рухомого водле воли своее записати.
…
РОЗДЕЛЪ ДЕВЯТЫЙ
О ПРАВАХЪ ЗЕМСКИХЪ
АРТЫКУЛЪ 8
ХТО БУДУЧИ УРЯДНИКОМЪ ГОСПОДАРСКИМЪ, МАЮЧЫ ИМЕНЬЕ ВЪ
ТОМЪ ПОВЕТЕ, МЕЛЪ ЗЪ ШЛЯХТИЧОМЪ ПРАВО О ЗЕМЛЮ
Тымъ тежъ обычаемъ если бы который урядникъ нашъ, маючы именье
въ томъ же повете державы своей, мелъ зъ которымъ шляхтичомъ копу вести; теды
маеть справоватьсе о кгрунтъ земный, яко вышей описано, и маеть ставить
осмнадцать сведковъ шляхту и иншихъ людей добрыхъ веры годныхъ, а не того уряду
присуду своего, але иншихъ постороннихъ, и такъ тежъ судьи мають гледеть листовъ
границъ знаковъ, а чыи будуть листы лепшые и границы, тая сторона маеть быти
припущона ку доводу.
…
РОЗДЕЛЪ ДВАНАДЦАТЫЙ
О НАВЕЗКАХЪ ЛЮДЕЙ ПОСПОЛИТЫХЪ
АРТЫКУЛЪ 5
ЖИДЪ, ТАТАРИНЪ И КОЖДЫЙ БЕСУРМАНИНЪ НА
ВРЯДЪ ПРЕЛОЖОНЪ И ХРЕСТІЯНИНЪ ВЪ НЕВОЛИ МЕТИ НЕ МАЕТЬ
Уставуемъ, ижъ отъ того часу мети хочемъ, абы жидъ, татаринъ и
кождый бесурманинъ на достоенство а ни на который врядъ отъ насъ Господаря а ни
отъ пановъ радъ нашихъ преложонъ не былъ и хрестіянъ въ неволи не мелъ…
…
АРТЫКУЛЪ 7
ЧЕЛОВЕКЪ ВОЛЬНЫЙ ЗА ЖАДЕНЪ ВЫСТУПОКЪ
ВЪ НЕВОЛЮ ВЫДАНЪ БЫТИ НЕ МАЕТЬ
Тежъ уставуемъ, ижъ человекъ волный за жадный выступокъ въ
неволю вечную выданъ быти не маеть, а естли бы въ суме великой выданъ былъ;
маеть съ тое сумы выроблятися, и выпуску на каждый годъ мужику полтина, а жонце
пол-копы грошей.
…
АРТЫКУЛЪ 11
О ВОЛЬНЫХЪ ЛЮДЕХЪ, КОТОРЫЕ ВЪ ГОЛОДЪ ПРОДАЮТЬ
Хто бы въ голодъ самъ себе або сына або тежъ которого человека
вольного въ неволю продалъ, и листъ на то далъ; таковый листъ не маеть быти
держанъ, але яко голодъ минеть, а онъ пенезей добудеть, маеть ему пенези отжати.
…
РОЗДЕЛЪ ЧОТЫРНАДЦАТЫЙ
О ЗЛОДЕЙСТВЕ ВСЯКОГО СТАНУ
АРТЫКУЛЪ 8
О ШЛЯХТИЧУ ЛЕТЬ ЗАПОЛНЫХЪ НЕ МАЮЧОМУ
Естли бы се трафило, ижъ бы шлихтичъ въ летехъ чотырнадцати и не больше обвиненъ о злодейство, або приведенъ былъ о злодейество зъ лицомъ передъ врядъ; тогды таковому про молодость летъ его не маеть быти поличоно за злодейство, и не маеть быти до ката въ руки и на муку даванъ, нижли тую шкоду отецъ его або матка кровные зъ именья части его повинни зъ навезкою платити, и заплативши то почтивости его шкодити не маеть, а не будеть ли мети чимъ платити, ино давати его на выслугу, поки бы то заслужилъ, што зашкодилъ. Тымъ же тежъ обычаемъ можеть се розумети и о детехъ людей простыхъ летъ недорослыхъ. А ведьже и таковый хлопецъ недорослый естьли бы въ колку злодействахъ и при лицы былъ дознанъ, таковыхъ врядъ маеть карати водле званья своего.