Архіўныя дакументы і матэрыялы пра Дуніна-Марцінкевіча

Супрацоўніцтва з дзеячамі культуры

Афіша дабрачыннага спектакля і канцэрта на карысць Мінскага дзіцячага прытулку ў будынку Мінскага гарадскога тэатра, дзе ўзгадваецца твор В. Дуніна-Марцінкевіча «Рэкруцкі яўрэйскі набор».  23-24 верасня 1841 г. На рускай і польскай мовах. (НГАБ, ф. 295, воп. 1, спр. 728, арк. 199)
Станіслаў Манюшка — беларускі і польскі кампазітар, які напісаў музыку да твораў В. Дуніна-Марцінкевіча. [1840-я гг.] Партрэт. Фотарэпрадукцыя. (БДАМЛМ, Бібліятэка электронных копій)
Павел Кукальнік — сябра і цэнзар твораў В. Дуніна-Марцінкевіча, які спрыяў выданню ўсіх яго кніг. Партрэт. Фотарэпрадукцыя. (БДАМЛМ, Бібліятэка электронных копій)
Адам Завадскі — віленскі выдавец, з якім супрацоўнічаў В. Дунін-Марцінкевіч (у 1846 г. выдаў першую кнігу  В. Дуніна-Марцінкевіча «Сялянка»). Другая палова 1840-х гг. Партрэт. Фотарэпрадукцыя. (БДАМЛМ, Бібліятэка электронных копій)
Яўстаф Тышкевіч — беларускі гісторык, заснавальнік Віленскага музея старажытнасцей, значная постаць асяроддзя В. Дуніна-Марцінкевіча. Партрэт. Фотарэпрадукцыя. (БДАМЛМ, Бібліятэка электронных копій)
Адам Кіркор — гісторык і публіцыст, заснавальнік гуртка віленскіх літаратараў, які наведваў В. Дунін-Марцінкевіч. Партрэт. Фотарэпрадукцыя. (БДАМЛМ, Бібліятэка электронных копій)
Уладзіслаў Сыракомля (Людвік Кандратовіч) — беларускі паэт і краязнавец, аўтар станоўчых водгукаў у прэсе на многія творы В. Дуніна-Марцінкевіча. Партрэт. Фотарэпрадукцыя. (БДАМЛМ, Бібліятэка электронных копій)
Вершаванае пасланне Навума Прыгаворкі (В. Дуніна-Марцінкевіча) да паэта У. Сыракомлі. [1855 г.]. Копія. Рукапіс. На польскай мове. Аўтограф В. Дуніна-Марцінкевіча. (БДАМЛМ, Бібліятэка электронных копій)
Адам Міцкевіч — польскі паэт беларускага паходжання, чыю эпапею пра Беларусь паэму «Пан Тадэвуш» В. Дунін-Марцінкевіч пераклаў на беларускую мову. Партрэт. Фотарэпрадукцыя. (БДАМЛМ, Бібліятэка электронных копій)
Адам Плуг (Антон Пяткевіч) — беларускі паэт, папулярызатар беларускай літаратуры на Украіне, значная постаць асяроддзя В. Дуніна-Марцінкевіча. Партрэт. Фотарэпрадукцыя. (БДАМЛМ, Бібліятэка электронных копій)
Прысвячэнне ў альбом беларускага пісьменніка А. Вярыгі-Дарэўскага дачкі В. Дуніна-Марцінкевіча Камілы Марцінкевіч. 2 лістапада 1858 г. Рукапісная копія Я. Хвораста 1930 г. На польскай мове. (БДАМЛМ, ф. 317, воп. 1, спр. 12, арк. 27)
Прысвячэнне ў альбом беларускага пісьменніка А. Вярыгі-Дарэўскага  ад В. Дуніна-Марцінкевіча і фрагмент яго перакладу паэмы А. Міцкевіча «Пан Тадэвуш». 3 лістапада 1858 г. Рукапісная копія Я. Хвораста 1930 г. Прысвячэнне — на польскай мове, паэма — на беларускай мове лацінскім шрыфтам. (БДАМЛМ, ф. 317, воп. 1, спр. 12, арк. 29­29 адв.)
В. Дунін-Марцінкевіч з дачкой  Камілай у групе інтэлігенцыі горада Мінска. [Пачатак 1860-х гг.]. Аўтар А. Прушынскі. Фотарэпрадукцыя. (БДАКФФД, 0-127241)
Аляксандр Ельскі — беларускі краязнавец і калекцыянер, які ў 1872 г. напісаў верш, прысвечаны В. Дуніну-Марцінкевічу. Партрэт. Фотарэпрадукцыя. (БДАМЛМ, Бібліятэка электронных копій)
Прысвячэнне [беларускаму краязнаўцу А. Ельскаму] ад В. Дуніна-Марцінкевіча, зробленае на адваротным баку яго фатаграфіі. Копія надпісу, зробленая Б. Эпімахам-Шыпілам у 1893 г. На польскай мове. (БДАМЛМ, ф. 66, воп. 1, спр. 1283, арк. 2 адв.-3)